Dispac'h Rusia 1917
Graet e vez Dispac'h Rusia 1917, pe Reveulzi Rusia 1917, eus tout an darvoudoù a c'hoarvezas e Rusia e-kerzh ar bloaz 1917 hag a gasas d'an traoñ ren an Tsared, e-pad Dispac'h miz C'hwevrer, ha da savidigezh an Unvaniezh Soviedel, goude Dispac'h miz Here, ur stad gouarnet gant komunisted.
| Rann eus | Dispac'hoù etre 1917 ha 1923  |
|---|---|
| Stad | Impalaeriezh Rusia |
| Lec'h | Impalaeriezh Rusia |
| Raklec'hiet gant | Dispac'h Rusia 1905 |
| Deiziad | 1917 |
| Perzhiad | Bolchevik, Mencheviked, Socialist Revolutionary Party |
| Efed | Kentañ Spont Ruz, diskar Impalaeriezh Rusia, pro-independence movements in the Russian Civil War |
Dispac'h C'hwevrer (Meurzh 1917) a oa bet un taol dispac'h tro-dro da Petrograd (hiziv Sant Petersburg), kêrbenn Rusia er mare-se. E-pad ar rouestl, izili eus ar parlamant impalaeriel (an Douma) o devoa kemeret ar galloud war ar vro. Sevel a rejont ar Gouarnamant Rusian da c'hortoz met a oa talet kreñv gant interestoù ar gapitalisted hag an noblañsoù. Pennoù al lu rusian a soñje dezho ne oa ket posubl da vougañ ar reveulzi. Bountañ a rejont war an tsar Nikolaz II evit ma rofe e zilez. Ar Soviedoù, a oa savet dreist-holl gant soudarded ha klasad micherourien ar c'hêrioù bras, o devoa laosket ar gouarnamant da c'hortoz da ren, met o terc'hel galloud war ar gouarnamant hag o kaout bezenoù armet lies. Reveulzi C'hwevrer a oa ganet e-pad kolloù ramzel milourel ar C'hentañ Brezel-bed (1914–18), o devoa lakaet al lu rusian da gouezhañ ha da emsevel a-enep ar brezel.