Roperzh II (Bro-C'hall)

Roperzh II, anvet ivez Roperzh an Deol, ganet en Orleañs war-dro 972 ha marvet e kastell Melun e 1031, a voe roue Bro-C'hall gant e dad, Huon Capet, adalek 987 da gentañ, hag e-unan war-lerc'h marv e dad da c'houde.

Roperzh II, eil roue kapesian Bro-C'hall

Mab e oa da Huon Capet hag Adelaid Akitania. Roue e voe e-unan eus 996 betek e varv e 1031. Unan eus ar pennoù kurunennet e oa er bloavezh mil enta.

Meur a dra a anavezer diwar e benn gant skridoù Helgaud, e vuhezskridour.

Kenroue

Da gentañ e skoazellas e dad er brezelioù, evit kemer Laon, en 988-991.
Desket mat e oa, studiet en doa e Reims pa oa Gerbert Aurillac o kelenn eno.

Relijion

Troet-bras e oa Roperzh II gant ar relijion, evel-se en deus tapet e lesanv.

E 1022, dre e urzh, met marteze broudet gant e wreg Konstanza Arle, e voe kondaonet d'ar marv un dousennad kloareien abalamour m'o doa prezeget mennozhioù disivoudel.

Familh

Teir gwech e timezas.

• Eurediñ a reas e 988 da Rozala, merc'h Berengar II Italia. Kêr Montreuil-sur-Mer a voe degaset dezhañ da argouroù. Bloaz goude e kasas anezhi diwar e dro.
• E karantez e oa gant Bertha, merc'h Konrad, roue Bourgogn hag intañvez Odo Iañ, kont Bleaz. Met dre ma oant kendirvi ha dre ma oa Roperzh paeron d'ur bugel da Verta, e voe nac'het o eured gant ar pab Gregor V.
• Eurediñ a reas Roperzh gant Konstanza Arle e 1003. Seizh bugel o devoe, en o zouez Herri a renas goude e dad.

Bugale Ropezh ha Konstanza

Seizh bugel o devoe Roperzh ha Konstanza

• Advisa Auxerre (1003-1063, kontez Auxerre dimezet e 1015 da Renaud Iañ Nevers
• Huon II Bro-C'hall (1007-1026), o mab henañ, sakret e 1017 e Compiègne, a voe kenroue gant e dad, met mervel a reas a-raok e dad

e 1025,

• Herri (1008-1060), sakret e Reims e 1027, daoust da enebiezh Constança a glaske lakaat he mab all Roperzh da roue.
• Roperzh Iañ Bourgogn (1011-1076), dug Bourgogn ha kont Auxerre
• Eudes Bro-C'hall (1013-?), aet foll
• Adelaid Bro-C'hall (1009-1079), dimezet div wech:
  • e 1027 da Richarzh III Normandi
  • hag e 1028 da Baldwin IV Flandrez
• Konstanza Bro-C'hall.

Levrlennadur

• Christian Pfister: Etudes sur le règne de Robert le Pieux (996-1031), Paris 1885

Liammoù

• Diwar-benn ar roue gall Roperzh II

En e raok: Huon Capet

Rouaned Bro-C'hall 996 – 1031

War e lerc'h: Herri Iañ