Shaun Costello
Shaun Costello, ganet d'ar 1añ a viz Genver 1944 en New York hag aet da Anaon d'ar 5 a viz Gouhere 2023 e Punta Gorda, a oa un aktour ha filmaozer pornografek ha saver filmoù spont stadunanat.
Implijet en devoa lesanvioù lies evel Helmuth Richler, Warren Evans, Russ Carlson, Oscar Tripe, pe Amanda Barton c'hoazh. Eñ a zo bet unan eus brasañ filmaozerien marevezh aour ar filmoù erotek pe pornografek e 1970-1980. Filmet en devoa ouzhpenn 70 film hag enoret e oa bet div wech gant un International Monitor Awards ha lakaet e anv evit un Adult Video News Awards.
Buhez kemmañ
Ur filmaozer puilh a oa eus Shaun Costello, gant ouzhpenn 70 film savet gantañ. Ouzhpenn bezañ filmoù pornografek pe erotek, alies e oant filmoù o vont pell ganti. Adkavet e vez ivez menegoù a-dreñv, n'int ket hepken filmoù gant lodennoù reizhel met kentoc'h filmoù troc'het gant lodennoù reizhel hag un istor gwirion.
Doare filmoù kemmañ
E filmoù pornografek a oa reoù gant ur senario ha treuzwiskoù. Alies e oant reoù gant ur meneg a-dreñv evel Waterpower embannet e 1974, kemmesk etre un darvoud gwirion ha kudennoù ar soudarded bet o vrezelat e Vietnam. Lod all a oa bet degemeret mat rak en desped da gaout lodennoù pornografek e oant mestroniet mat a-fed istor, gant fent ha menegoù gwirion evel Dracula Exotica embannet e 1980 [1].
Lesanvioù kemmañ
E-touez al lesanvioù lies implijet gantañ e oa Warren Evans, Amanda Burton, Russ Carlson, Gerard Damiano, Arthur Dietrich, Jack Hammer, Helmuth Richler, Ken Schwartz, Kenneth Schwartz, Howard Stein, John Stover hag Oscar Tripe.
Filmlennadur kemmañ
Filmoù kemmañ
| Bloavezh | Titl | Filmaozer | Notenn(où) |
|---|---|---|---|
| 1973 | Loops | Gant Shaun Costello ha Bill Markle | Chomet diembann [2] |
| 1971 | Forced Entry | Shaun Costello lesanv Bill Markle | Eus e holl rolloù, kantadoù anezho, Harry Reems a embann en e skrid-buhez eo an hini nemetañ a lak sevel kerse ennañ. |