Sjálfstæðisflokkurinn

Sjálfstæðisflokkurinn (islandeg, a dalvez Strollad ar frankiz) a zo ur strollad politikel islandat eus an tu dehou. E 1929 e voe savet, pa voe kendeuzet ar Strollad mirour hag ar Strollad frankizour. Sevel a ra a-du gant emezeliñ Island e NATO, hag a-enep bezañ en Unvaniezh Europa (kadarnaet da-geñver Kendalc'h ar strollad e miz Meurzh 2009).

Bjarni Benediktsson eo a zo e penn ar strollad, dilennet eo bet e-pad kendalc'h broadel ar strollad e miz Meurzh 2009. Þorgerður Katrín Gunnarsdóttir eo a zo besprezidantez ar strollad. Bet eo ivez ministrez an deskadurezh, ar skiantoù hag ar sevenadur, met he dilez a roas d'ar 17 a viz Ebrel 2010.

En dilennadegoù

Dilennadeg	Niver a vouezhioù	Dregantad	Dileuridi	Disoc'h an dilennadeg
Dilennadeg parlamant Island 1931
Dilennadeg parlamant Island 1933
Dilennadeg parlamant Island 1934
Dilennadeg parlamant Island 1937
Dilennadeg parlamant Island, miz Gouere 1942
Dilennadeg parlamant Island, miz Here 1942
Dilennadeg parlamant Island 1946	26 428	39,5%	20	trec'h
Dilennadeg parlamant Island 1949	28 546	39,5%	19	trec'h
Dilennadeg parlamant Island 1953	28 738	37,1%	21	trec'h
Dilennadeg parlamant Island 1956	35 027	42,4%	19	trec'h
Dilennadeg parlamant Island, miz Even 1959	36 029	42,5%	20	trec'h
Dilennadeg parlamant Island, miz Here 1959	33 800	39,7%	24	trec'h
Dilennadeg parlamant Island 1963	37 021	41,4%	24	trec'h
Dilennadeg parlamant Island 1967	36 036	37,5%	23	trec'h
Dilennadeg parlamant Island 1971	38 170	36,2%	22	trec'h
Dilennadeg parlamant Island 1974	48 764	42,7%	25	trec'h
Dilennadeg parlamant Island 1978	39 982	32,7%	20	trec'h
Dilennadeg parlamant Island 1979	43 838	35,4%	21	trec'h
Dilennadeg parlamant Island 1983	50 251	38,6%	23	trec'h
Dilennadeg parlamant Island 1987	41 490	27,2%	18	trec'h
Dilennadeg parlamant Island 1991	60 836	38,6%	26	trec'h
Dilennadeg parlamant Island 1995	61 183	37,1%	25	trec'h
Dilennadeg parlamant Island 1999	67 513	40,7%	26	trec'h
Dilennadeg parlamant Island 2003	61 701	33,7%	22	trec'h
Dilennadeg parlamant Island 2007	66 749	36,6%	25	trec'h
Dilennadeg parlamant Island 2009	44 369	23,7%	16	trec'h an Emglev sokial-demokrat

E penn ar strollad

An holl dud a zo bet e penn ar strollad a zo bet kentañ ministred Island : Ólafur Thors, Bjarni Benediktsson, Jóhann Hafstein, Geir Hallgrímsson, Þorsteinn Pálsson, Davíð Oddsson ha Geir H. Haarde. Jón Þorláksson, bet kentañ prezidant ar strollad, a voe ivez kentañ ministr en anv ar strolald mirour a-raok ma vefe savet Strollad ar frankiz. Gunnar Thoroddsen, hag eñ bet bezprezidant ar strollad etre 1974 ha 1981, a voe kentañ ministr etre 1980 ha 1983, met d'ar mare-se ne savet ket ar strollad a-du gant ar gouarnamant.

Anv	Adalek	Betek
Jón Þorláksson	29 a viz Mae 1929	2 a viz Here 1934
Ólafur Thors	2 a viz Here 1934	22 a viz Here 1961
Bjarni Benediktsson	22 a viz Here 1961	10 a viz Gouere 1970
Jóhann Hafstein	10 a viz Gouere 1970	12 a viz Here 1973
Geir Hallgrímsson	12 a viz Here 1973	6 a viz Du 1983
Þorsteinn Pálsson	6 a viz Du 1983	10 a viz Meurzh 1991
Davíð Oddsson	10 a viz Meurzh 1991	16 a viz Here 2005
Geir Haarde	16 a viz Here 2005	29 a viz Meurzh 2009
Bjarni Benediktsson	29 a viz Meurzh 2009	bremañ

Dilennadeg 2007

Strollad ar frankiz a c'hounezas dilennadeg ar parlamant e 2007 ( + 3 dileuriad). Kemer a reas perzh er gouarnamant kenunaniezh gant an Emglev sokial-demokrat. Peurliesañ e laboure an Emglev gant ar Strollad araokour, hag a oa bet koll en dilennadeg.

Dilennadeg 2009

E dilennadeg 2009 e kollas ar strollad 9 dileuriad en Althing (eus 25 da 16), dont a reas neuze da vezañ eil strollad ar vro, goude an Emglev sokial-demokrat (daou zileuriad ouzhpenn, eus 18 da 20).

Liammoù diavaez

• Lec'hienn ofisiel
• Lec'hienn Samband ungra sjálfstæðismanna, aozadur yaouankiz ar strollad
• Diwar-benn ar strollad