Skol-veur Oxford
Skol-veur Oxford (University of Oxford e saozneg) zo ur skol-veur en Oxford, e Bro-Saoz. Ar skol-veur goshañ eo e Bro-Saoz hag er bed saoznek dre vras, hag an eil skol-veur goshañ er bed, goude hini Bologna.
Savet e voe e dibenn an XIvet kantved, met n'eus ket emglev etre an arbennigourien war ar bloavezh resis (etre 1096 ha 1167). Enni ez eus meur a "skolaj" distag an eil re diouzh ar re all, met gant ar skol-veur e vez aozet ar c'hentelioù evit an holl studierien. Evel-se ivez eo frammet skol-veur Cambridge ha kenlabour, koulz ha heligentañ, a vez etre an div skol-veur, ken ma reer Oxbridge eus an hollad anezho.
Renket eo Skol-veur Oxford e-touez gwellañ skolioù-meur ar bed, gant Cambridge, Stanford, ar MIT pe Harvard, e renkamant an Times Higher Education[1],[2]. E Skol-veur Oxford o deus graet ur bern tud brudet o studioù : en o zouez 29 den hag o deus tapet ur Priz Nobel, 27 Kentañ Ministr eus ar Rouantelezh Unanet ha kalz pennoù stadoù pe pennoù gouarnamantoù all dre ar bed.
NotennoùAozañ
- ↑ "World’s most prestigious universities 2016" (in en), Times Higher Education (THE) (04/05/2016).
- ↑ "World University Rankings" (in en), Times Higher Education (THE) (10/03/2018).