Soft Power

Soft power anvet a-wechoù diplomatiezh ar Galon hag ar Spered (saozneg:hearts and minds diplomacy) a zo ur meizad savet gant Joseph Nye eus skol-veur Harvard evit diskrivañ an doare da zesach ha da bamañ e-serr implij doareoù rediañ (hard power), oc'h implij an nerzh pe an arcahnt a-benn kendrec'hiñ. Un diazez d'ar Soft Power a zo ar fed n'eo ket ur rediañ, diaz ar meizad a zo da gavout e-kostez ar sevenadur, an talvoudegezhioù politikel, hag an diplomatiezh etrebroadel. A-nevez eo bet implijet an termenadur a-benn displegañ ar c'hemmoù pe levezonoù sokial pe ar meno foran dre implij al Lobby pe rouedadoù damm guzh an aozadurioù politikel pe get. E 2012, Nye en devoa displeget eo ar soft power, "the best propaganda is not propaganda" (Brezhoneg: "Ar gwellañ propaganda n'eo ket propaganda"), en ur vont gant e gaoz e tisplegas dre ma vevomp mare an titouriñ, "credibility is the scarcest resource." (Brezhoneg: "Ar gredusted a zo an danvez ralañ").

Soft Power levr embannet e 2004 gant Joseph Nye

Soft Power a zo ar fed lakaat da ziwan ha da zioroiñ liammoù, doujañs, betek ar bam a-berzh ar vroioù all evit gounez nerzh. Ar pal hag an doare d'ober a zo sioul hag a implij dreist-holl ar sevenadur e-plas an diplomatiezh ofisiel. Dre sikour ar sonerezh, ar filmoù... e vez krouet un aergelc'h a zesach selloù mat war-zu an hini a implij ar soft power. Un doare propaganda sioul ez eo a glask krouiñ kerentiezh.

Er c'hoarioù video

Implij ar Soft Power n'eo ket ral e bed ar c'hoarioù video. Dre an hent-se eo aes soubañ ar c'hoarierien en ur bed tuet hervez piv ha penaos e vez taolennet an enebourien. Fromoù ar c'hoarier a c'hell bezañ tuet hervez red an istor hag an obererezhioù da gas da benn.

Un implij a zo eus ar Soft Power evit brasaat nerzh gwirion ur vro, gwellat e istor pe c'hoazh lakaat war-raok ur brezeliadenn trec'hus d'ar c'hoarier adal ur brezel kollet.

Levrlennadur

Saozneg

• Joseph S. Nye, Soft Power: The Means to Success in World Politics, New York: Public Affairs, 2004
• Giulio Gallarotti, Cosmopolitan Power in International Relations: A Synthesis of Realism, Neoliberalism, and Constructivism, NY: Cambridge University Press, how hard and soft power can be combined to optimize national power, 2010
• Joseph S. Nye, Cyberpower, Harvard University, 2010

Galleg

• Barthélémy Courmont, Chine, la grande séduction. Essai sur le soft power chinois, A. Colin, 2009