Spagn Nevez

Spagn Nevez, pe « Nueva España » e spagnoleg, a oa ur rann eus impalaeriezh trevadennel Spagn, pe, resisoc'h, ur vesrouantelezh e dalc'h rouaned katolik Spagn, savet en 1525 en-ofisiel, hag a badas betek dizalc'hted Mec'hiko en 1821. A-wechoù e vez lavaret « Mec'hiko gozh » anezhi. Kentañ besroue e voe Antonio de Mendoza y Pacheco, hag e Ciudad de México e voe ar gêr-benn, e kêr gozh Tenochtitlan.

Spagn Nevez en he brasañ, pa oa Louisiana e dalc'h Rouantelezh Spagn.

Spagn Nevez hervez Feur-emglev Adams-Onís e 1819 ( hep an douaroù er Meurvor Habask).

En em astenn a rae douaroù ar vesrouantelezh e Kreizamerika en he fezh, hogozik, eus Mec'hiko da harzoù kreisteiz Costa Rica, hag en hanternoz e douaroù zo bremañ e SUA, California, Arizona, New Mexico, Texas, ha betek er Filipinez er c'hornôg. Douaroù all a oa c'hoazh pelloc'h en hanternoz, evel an Oregon Country, met ne oant ket bevennet splann.

• Gwelout Proviñs Spagn Nevez.

Rannoù

Rannet e oa ar vesrouantelezh etre rouantelezhioù ha kabiteniezhioù (capitanías generales). Sed anvioù ar rouantelezhioù:

• Nueva Galicia (1530);
• Guatemala (1540);
• Nueva Vizcaya (1562),
• Nuevo Reino de León (1569);
• Nuevo México (1598);
• Nueva Extremadura (1674)
• Nuevo Santander (1746).

Sed anvioù ar c'habiteniezhioù:

• Filipinas (1574);
• Cuba;
• Puerto Rico
• Santo Domingo.

Orin an anv

Hernán Cortés an hini a ginnigas an anv-se en e eil lizher d'an impalaer Carlos Iañ Spagn ha d'ober Nueva España eus an douaroù ergerzhet ha sujet da gurunenn Spagn e-pad aloubidigezh an impalaeriezh aztek .