Templ ar Pavilhon Aour
| Templ ar Pavilhon Aour | |
|---|---|
 An erc'h war Templ ar Pavilhon Aour | |
| Oberer | Yukio Mishima |
| Bro |  Japan
|
| Stumm | Romant |
| Doare orin | |
| Yezh | Japaneg |
| Titl | 金閣寺 |
| Mouladur kentañ | 1956 |
| Doare galleg | |
| Troer | Marc Mécréant |
| Embanner | Gallimard |
| Rummad-levrioù | Du Monde Entier |
| Bloavezh | 1961 |
| Niver a bajennoù | 267 |
Templ ar Pavilhon Aour (金閣寺, Kinkaku-ji) zo ur romant gant ar skrivagner japanat Yukio Mishima, embannet e 1956.
Istor
kemmañDiazezet eo al levr diwar tangwall Templ ar Pavilhon Aour e Kyoto, gant ur manac’h boudaeat yaouank, e 1950. Ar pavilhon, bet savet a-raok ar bloavezh 1400, a oa bet salvet diouzh an distruj meur a wech abaoe e savadur, memes e-pad ar brezelioù. Neuze e nec’has kalz an tangwall. Daneveller ar romant eo Mizoguchi, an tangwaller e-unan, un den divalav tre ha besteod. An oberer a lak sorc’henn ar gened da vezañ abeg e follentez.
Diverradur
kemmañMizoguchi a zo mab d'ur beleg boudaat. Emañ o chom gant e eontr war ar maez e Japan, e kêr Shiraku. Tennañ a ra diouzh e dad skeudenn ur Pavilhon Aour hollgaer, ar bravañ savadur er bed ; ha tamm-ha-tamm e tro ar skeudenn-se dave ar gened evitañ.
O vezañ paour ha besteod, n’en deus mignon ebet er skol, ha kreskiñ a ra ennañ ar c’hoant d'en em veñjiñ.
E dad, klañv, a gas anezhañ d’an templ evit ar wech gentañ e 1944. Kerseet tre emañ Mizoguchi gant kened furmel ar pavilhon, bet soñjet anezhañ e-giz ur fromadenn e-lec’h un dra furmel. Diskouezet eo d’ar superior, Tayama Dosen. Goude marv e dad, an den yaouank a ya da vezañ neveziad er Pavilhon Aour.
Boemerezh e-keñver an templ a ya war vrasaat en e galon. Hag ar c’hoant da vezañ e vestr, pe zoken e zistrujer, a gresk da heul ivez. Dont a ra da vezañ mignon Tsurukawa, un neveziad all, a vez sellet gant Mizoguchi e-giz pell gwelloc’h egetañ. Met mervel a ra Tsurukawa, marteze eus un emlazh. Mizoguchi a dro neuze d’ur c’hamalad skol-veur, Kashiwagi, dichek tre an tamm anezhañ, hag a lak santimantoù vended ha krizded ar vuhez da greskiñ e neveziad ar Pavilhon.
A-genstur gant se e sav enebiezh etre Mizoguchi hag e vestr, Tayama Dosen ; kompren a ra neuze Mizoguchi ne vo ket biskoazh mestr war an templ. Dibab a ra eta aktiñ, en ur entanañ ar pavilhon.
E senenn divezhañ al levr, chom a ra da arvestiñ ouzh e oberenn, en ur vogediñ. Disammet eo, a-benn ar fin : « C’hoant am boa bevañ » emezañ.
Embannadurioù gallek
kemmañYukio Mishima, Le Pavillon d'or, Paris, Gallimard, coll. « Du monde entier », 1961 ; réédition, Paris, Gallimard, coll. « Folio » no 649, 1975 et 1995 (ISBN 2-07-036649-9)
Dezneuziadennoù
kemmañSinema
kemmañ- 1958 : Ar Glaoutan (炎上, Enjō), film japanat savet gant Kon Ichikawa, gant Raizō Ichikawa, Tatsuya Nakadai ha Ganjirō Nakamura
- 1976 : Templ ar Pavilhon Aour (金閣寺, Kinkaku-ji), film japanat savet gant Yōichi Takabayashi
- 1985 : Mishima, ur Vuhez e Pevar Arvest, film savet gant Paul Schrader
C’hoariva
kemmañ- 2011 : Templ ar Pavilhon Aour a zo dezneuziet gant ar skrivagner Serge Lamothe ha c’hoariet e Kanagawa Art Theater, Yokohama, Japan, leurennet gant Amon Miyamoto.
Sonerezh
kemmañ- 2013 : Le Pavillon d’Or, oberenn sonerezh awenet diwar Mishima ha skrivet gant ar c’hompozour Karol Beffa.
日本と日本文化のポータル — Porched Japan ha sevenadur Japan • Adkavit ar pennadoù a denn da Japan ha d'he sevenadur — 日本とその文化についてのページを見つける