Canterbury Tales
Canterbury Tales (Tales of Caunterbury e krennsaozneg, "Istorioù Canterbury") zo un dastumad kontadennoù saoznek gant ar barzh saoz Geoffrey Chaucer (1343-1400). Pevar istor warn-ugent zo el levr, anezho 17 000 linenn krennsaoznek, skrivet etre 1387 ha 1400. Darn zo e komz-plaen, met e gwerzennoù eo ar pep muiañ nezho.
E 1386 e teuas Chaucer da vout Controller of Customs and Justice of Peace ("Gwirier ar Maltouterezh ha Barner a Beoc'h") ha tri bloaz goude, e 1389, Clerk of the King's work ("Kloareg Labourioù ar Roue"). Er bloavezhioù-se eo e krogas Chaucer da verat e skrid brudetañ, The Canterbury Tales. Kinniget eo an dastumad evel ur genstrivadeg etre pirc'hirined saoz o vont en ur bagad eus Londrez da Ganterbury da bediñ war bez Sant Thomas Becket en iliz-veur Canterbury. Ur priz zo da c'hounit : ur pred en ostaleri, an Tabard Inn, e Southwark war an hent d'ar gêr.
Canterbury Tales a zo, gant Sire Gauvain et le Chevalier vert (dianav anv an oberour) ha Piers Plowman (gant William Langland), e-touez kentañ oberennoù anavezet.
Roll
kemmañ| Arroud | Strollad | Istorioù |
|---|---|---|
| Arroud I | A | General Prologue • The Knight's Tale • The Miller's Tale • The Reeve's Tale • The Cook's Tale |
| Arroud II | B1 | The Man of Law's Tale |
| Arroud III | D | The Wife of Bath's Tale • The Friar's Tale • The Summoner's Tale |
| Arroud IV | E | The Clerk's Tale • The Merchant's Tale |
| Arroud V | F | The Squire's Tale • The Franklin's Tale |
| Arroud VI | C | The Physician's Tale • The Pardoner's Tale |
| Arroud VII | B2 | The Shipman's Tale • The Prioress's Tale • Sir Thopas' Tale • The Tale of Melibee • The Monk's Tale • The Nun's Priest's Tale |
| Arroud VIII | G | The Second Nun's Tale • The Canon's Yeoman's Tale |
| Arroud IX | H | The Manciple's Tale |
| Arroud X | I | The Parson's Tale |
E brezhoneg
kemmañTroet eo bet The Franklin's Tale ("Danevell ar Franklin") gant Roparz Hemon. E 1926 e oa bet embannet e oa bet e Gwalarn niverennoù 6 ha 7, hag adembannet e-barzh Ar Bed Keltiek e 1969.
Ur pezh-c'hoari zo bet savet diwar The Canterbury Tales gant ar strollad brezhonek Mad ar Jeu[1]