Timbroù Aunus
Aunus eo anv finnek ur gêr e Karelia ar Reter, anavezet gant ar Rusianed dre anv Olonets (Олонец).
E-pad ar brezel diabarzh a darzh e Rusia goude ar Brezel bed kentañ e kav da c’houarnamant Finland eo erru ar poent stagañ Karelia ar Reter, bro poblet gant finnegerien anezhi, ouzh Stad Finland. Kement-se a vefe respont da c’houlenn ar boblañs hervezañ. Ur bagad 1000 soudard a youl vat, en o fenn Gunnar von Herzen, zo kaset di d’ar 21 a viz Ebrel 1919 gant ar soñj embregañ ar Gareliz er stourmadeg hag aloubiñ ar vro. Ar pal eo bezañ mestr e kerioù Lotinanpelto ha Petrozavodsk, ha derc'hel hent-houarn Mourmansk dindan evezh.
Buan e teu anat n’eus ket a-walc’h a stourmerien e-tal Bolcheviked an Arme Ruz degaset timat war an dachenn hag ez eo klouar tud Karelia evit reiñ skoaz d’o “zieubourien”. Re ziwezhat e oa evit tuta emouestlidi nevez, ha dre forzh kilañ dirak ar Rusianed e tiviz Finlandiz tec’hout kuit d’o bro.
Ur rummad gant 8 timbr zo bet embannet gant ar velestradurezh rannvroel e-pad ar prantad amzer, a-benn dastum arc’hant evit ar soudarded. Timbroù Finland eus 1917 eo (al leon gant ar c’hleze) nemet soulgarget int gant anv "Aunus".
Rouez bras int hiriv ha priziet mat neuze.