Troad aversivel

Er yezhoniezh e vez implijet an termen troad aversivel (saoz.: aversive case) pe troad evitativel (saoz. evitative case) evit komz eus un droad a dalvez da verkañ un anv m'en devez unan bennak aon razañ.

Implijet e yezhoù ar bed

Un droad ral-kenañ eo homañ, implijet gant yezhoù komzet en Aostralia nemetken:

• Arrernteg
• Djabugayeg
• Gumbaynggireg
• Marri Ngarreg
• Marrithiyeleg
• Walmajarrieg
• Warlmanpaeg
• Warlpirieg
• Warumungueg
• Yidinyeg

Skouerioù

• Da skouer e walmajarrieg:

Yapa-warnti	pa-lu	tjurtu-karrarla	laparnkanja	natji-karti.
bugel-ABS..LIES.	DISK.-int	poultr-AVERSIVEL	tec'hjont	mougev-ALL.
"Klask goudor er mougev a rejont ar vugale o tec'hout rak ar barrd-poultr"

• Da skouer e djabugayeg:

Djama-lan	ŋawu	yarrnga-nj.
naer-AVERSIVEL	me	kaout aon-TREMEN.
"Aon am boa rak an naer"

Implijoù all

Implijet e c'hell bezañ an droad aversivel ivez gant ur verb implijet evel anv-kadarn ganti da ster "gant aon na".

Levrlennadur:

• Dixon, R. M. W. (2002). Australian Languages: Their Nature and Development. Cambridge University Press. ISBN 0-521-47378-0.