Vittorio Amedeo Iañ

Ur pennad Vittorio Amedeo zo ivez.

Vittorio Amadeo Iañ (1587-1637) , a oa dug Savoia.

Eil mab Carlo Emanuele Iañ Savoia, dug Savoia ha priñs Piemonte, e oa, hag e vamm e oa Catalina Micaela Aostria. Ren a reas goude marv e vreur henañ, Filipo Emanuele (1586 † 1605) marvet da 19 vloaz.

Breur-kaer e oa d'ar roue gall hogen brezel a reas dezhañ. Goude bout trec'het e rankas sinañ feur-emglev Cherasco e 1632.

Deuet ar peoc'h, setu eñ gervel al livour Giovanna Garzoni, da zont d'e boltrediñ.

Pevar bloaz goude e sinas feur-emglev Rivoli gant bro-C'hall a-enep Aostria, ha trec'h e voe war markiz Léganés en emgann Tornavento (1636) hag en emgann Mombaldone (1637). mervel a reas un nebeud deizioù goude.

Dimeziñ ha vugale

Dimezet e oa da Christine de France (Maria Cristina di Borbone-Francia en italianeg) (1606-1663), ur verc'h d'ar roue gall Herri IV (Bro-C'hall), ha c'hoar d'ar roue Loeiz XIII, rejantez an dugelezh adal 1637 betek 1663. C'hwec'h bugel o doe :

Luisa Cristina Savoia (1629-1692),
- a zimezas d'he eontr, ar priñs Maurizio Savoia;
Francesco Giacinto (1632—1638) dug Savoia;
Carlo Emanuele (1634—1675) dug Savoia, dimezet div wech:
- d'e geniterv Francesca Maddalena d'Orléans, met bugel ebet n'o doe;
- d'ur geniterv all Maria Giovanna Battista di Savoia-Nemours , ha bugale dezho;
Margherita Violante (1635-1663),
- pried kentañ Ranuccio II Farnese, dug Parma ;
Enrichetta Adelaide (1636-1676),
- dimezet da Ferdinando Maria di Baviera;
Caterina Beatrice (1636-1637), marvet da ur bloaz.

An holl vugale-se a oa kendirvi kompez d'ar roue gall Loeiz XIV.

Goude e varv

Beziet e voe en iliz-veur Saint-Eusèbe de Verceil (Piémont).