Y Rhyl

Y Rhyl zo ur gêr eus hanternoz Kembre, e Sir Ddinbych. War bord ar mor emañ, er reter da Y Foryd, aber ar stêr Clwyd. Pelloc'h er reter emañ Prestatyn hag er c'hreisteiz emañ kêr Rhuddlan. Poblet eo gant 25 149 a dud (e 2011).

Aod Y Rhyl

Dirak Y Rhyl en em astenn unan eus traezhennoù kaerañ hanternoz Kembre ha dont a ra touristed a-leizh e-pad an hañv. A-hed ar mor e kaver savadurioù gant c'hoarioù bingo ha stalioù marc'had-mat. E porzh Y Foryd, m'en em daol ar stêr Clwyd, ez eus bagoù pesketa ha bagoù plijadur.