Éric Tabarly

Éric Tabarly a oa ur moraer breizhat, bet ganet d'ar 24 a viz Gouere 1931 e Naoned ha marvet d'an 13 a viz Mezheven 1998 goude bezañ bet kouezhet e Mor Iwerzhon.

Éric Tabarly
Éric Tabarly e 1975
Buhez
Anv	Éric Marcel Guy Tabarly
Ganedigezh	24 Gouere 1931 Naoned Breizh
Marv	13 Mezheven 1998 Mor Iwerzhon
Broadelezh	Gall
Stummadur	Morlu gall (École Navale)
Micher	Levier nijerezioù Ofiser a vor Skiper bigi-dre-lien
Rez	Kabiten-vor
Brezel	Kentañ brezel Indez-Sina
Enorioù
Blue Water Medal (1964) Grand prix Serge-Kampf de l'Académie des sports (1964) Officier de l'ordre du Mérite maritime (1976) Prix Henry Deutsch de la Meurthe (1976) Gloire du sport (1994) Prix Gabrielle-d'Estrées (1997) Commandeur de la Légion d'honneur‎ (1998)
Redadegoù gounezet
Single-Handed Trans-Atlantic Race (1964 ha 1976) Transat Jacques-Vabre (a-gevret gant Yves Parlier, 1997) Fastnet Race (1967) Sydney to Hobart Yacht Race (1967)

Abred e voe dedennet gant ar redadegoù bigi-dre-lien, hag ofiser e morlu Bro C'hall e oa bet kent kemer perzh e redadegoù bigi.

E 1964 hag e 1976 e dibenn ar Single-Handed Trans-Atlantic Race (OSTAR), ec'h eas ar maout gantañ.

Sot-nay e oa É. Tabarly gant traoù ar mor hag eñ e-unan a rae lunelloù listri. Dre zegemer deskarded e bourzh e vigi en devoa krouet un doare skol redadegoù war geinvor.

Brud a c'hounezas d’an 18 a viz Even 1964 goude en devout gounezet ar redadeg Single-Handed Trans-Atlantic Race (lesanvet Transat anglaise e galleg) gant e getch 44 zroatad (13,60 metr) Pen Duick II treset gant ar vreudeur Costantini e Gwened ha graet diwar koad peget. Eric Tabarly en doa graet ar redadeg-se e-pad 27 devezh. Anvet e oa bet da Varc'heg al Lejion a Enor gant ar Jeneral de Gaulle.

E 1977 en doa gounezet ar redadeg Whitbread gant e skiper Éric Loizeau hag e c'houeletenn 57 troatad (17,45 metr) en aluminiom Pen Duick III, bet savet e 1966 en Oriant. Adanvet Cacharel ha leviet gant Jean-François Coste e redas er c’hentañ Vendée Globe e 1989-1990 met 7vet ha diwezhañ e erruas goude 163 devezh, da lavaret 54 devezh a-drek ar gounezer, Titouan Lamazou.

E 1968 e voe moret Pen Duick IV, un trimaran 68 troatad (20,80 metr) en aluminiom bet treset gant André Allègre ha fardet en Oriant. E 1969 e voe prenet gant ar skiper Alain Colas, e adanvas Manureva. Koulz ar vag hag a skiper a voe kollet er mor d'ar 16 a viz Du 1978.

E 1968 ivez e voe savet Pen Duick V , ur sloup "Marconi" 35 troatad (10,67 metr) en aluminiom treset gant Michel Bigoin ha Daniel Duvergie diwar erbedadennoù Éric Tabarly. Bloaz goude e c'hounezas an Transpac San Francisco — Tokyo gant 11 devezh lañs war an eil reder.

Pen Duick VI zo ur c'hetch 73 troatad (22,25 metr) en aluminiom ijinet gant André Mauric evit 14 den ha fardet e Brest ; leviet gant Éric Tabarly en e unan e bourzh e c'hounezas ar Single-Handed Trans-Atlantic Race e 1976, un eil gwech eta.

Kentpatrom ur vag hag a savfe a-us an dour adalek un tizh termenet (hydroptère, hag hydrofoil diwezhatoc'h) a voe fardet evit E.Tabarly e 1976.

• Pen Duick
• 
  Pen Duick
• 
  Pen Duick II
• 
  Pen Duick III
• 
  Pen Duick IV (Manureva)
• 
  Pen Duick V
• 
  Pen Duick VI

Koulskoude ez eo war bourzh Pen Duick edo Éric Tabarly pa voe kollet e Mor Iwerzhon. Ur vag bet treset gant er Skosad William Fife III ha fardet e Corcaigh e 1898 eo, hag edo ar moraer ouzh e gas da Vro-Skos evit kemer perzh un ur vodadeg listri Fife pa gouezhas er mor a-vaez da Gembre, diouzh noz etre an 12 hag an 13 a viz Mezheven 1998, oadet a 66 vloaz. Tremen miz diwezhatoc'h e voe kavet e gorf 43 milmor (80 kilometr) a-vaez da aod su Iwerzhon gant ur chaluter a Vreizh.