Aelia Eudocia

Ur pennad Aelia zo ivez.

Aelia Eudocia (pe Eudokia, pe Eudoxia), pe Atenais hervez he gwir anv (war-dro 401-460), a oa impalaerez vizantat er Vvet kantved hag ur varzhez. Gwreg Theodosius II, impalaer ar reter, e oa.

Pezh d'an impalaerez Aelia Eudocia

Skeudenn Atenais evel santez Eudocia. Ikonenn eus an X^vet kantved

An impalaer Theodosius II hag e bried Aelia Eudocia.

He buhez

Ganet e oa en Aten. Merc'h e oa d'ar sofour Leontius, ur pagan anezhañ, ha desket e voe ar verc'hig war al lennegezh hag ar retorik. Hervez a zo bet kontet, gant Malalas ha re all, e oa bet skrapet he feadra gant he breudeur mac'h eas da glemm d'al lez da Gergustentin. Sachet ganti evezh Pulcheria, c'hoar an impalaer Theodosius II, ha hi ober anezhi unan eus dimezelled al lez ha lakaat anezhi da briediñ d'he breur. Badezete voe, distaolet ganti hec'h anv pagan, evit bezañ Aelia Licinia Eudocia, ha dimeziñ d'an impalaer d'ar 7 a viz Mezheven, 421. Daou vloaz goude, ganet he merc'h Licinia Eudoxia, e voe roet dezhi an titl a augusta. Ne viras ket droug ouzh he breudeur peogwir e reas ur c'honsul eus ar Valerius, a savas da vout gouarnour Trakia, hag ur prefed eus ar Gesius.
Istorourien eus an amzer a veneg kalz eus ar munudoù -se, nemet ger ne lavaront eus perzh Pulcheria en eured he breur. El lez e klaskas implij he levezon evit gwarezién koulz paganed evel yuzevien. Er bloavezhioù 438-439 e reas ur veaj-pirc'hirinañ da Jeruzalem ha distreiñ a reas gant relegoù prizius.

E-pad he chomadenn en Antioch e komzas dirak sened kêr, hervez ar c'hiz c'hresian, hag e roas arc'hant da gempenn ar savadurioù.

Argaset e oa bet gant Theodosius II, war dro 433, abalamour da warizi he c'hoaer-gaer Pulcheria, Aelia Eudoxia ha kaset en harlu da Jeruzalem e lec'h ma varvas e 460.

|

Bugale

Tri bugel a anaver da Eudocia ha Theodosius II :

• Licinia Eudoxia (422 - 462), o merc'h henañ, a zimezas da Valentinian III ha da Petronius Maximus.
• Arcadius, o mab nemetañ, a varvas a-raok e dud.
• Flacilla (marvet e 439).

Liammoù diavaez

• Greek Opera Omnia by Migne Patrologia Graeca with analytical indexes
• Ur poltred anezhi hag eus he fried e "Medieval Lands", gant Charles Cawley

Levrlennadur

• Greatrex, Geoffrey, "Aelia Eudocia (Wife of Theodosius II)", De Imperatoribus Romanis
• Jones, Arnold Hugh Martin, John Robert Martindale, John Morris, "Aelia Eudocia (Athenais) 2", The Prosopography of the Later Roman Empire, volume 1, Cambridge University Press, 1992, ISBN 0-521-07233-6, pp. 408-409.
• Enrico Livrea, "L'imperatrice Eudocia santa?", Zeitschrift für Papyrologie und Epigraphik, 119, 1997, pp. 50–54.
• Charles Diehl, Figure bizantine, introduzione di Silvia Ronchey, 2007 (1927 originale), Einaudi, ISBN 978-88-06-19077-4
• Eudocia Augusta, Storia di san Cipriano, Adelphi, 2006, ISBN 88-459-2075-5.
• Rocco Schembra, La prima redazione dei centoni omerici, Edizioni dell'Orso, 2006, ISBN 8876949401.