Agnese Visconti

Agnese Visconti (Milano, 1363 – Mantova, 1391) a oa ur briñsez italian, merc'h da Bernabò Visconti, aotrou Milano, ha da Beatrice della Scala.

Hec'h eured

Ganet e oa Agnese en Milano, en Italia, hag an navet bugel eus seitek bugel he mamm hag he zad e oa. C'hoar e oa da Taddea Visconti, dimezet da Stephen III, Dug Bavaria hag a oa mamm da Isabeau Bavaria, pried da Charlez VI Bro-C'hall. Agnese evel he c'hoarezed a oa da ober euredoù a dalvoudegezh politikel.

He zad Bernabò a oa un despot kriz ha didruez, enebet ouzh an Iliz. Kemer a reas kêr Bologna digant ar pab, disteurel aotrouniezh ar pab, teurel e grabanoù war madoù an Iliz, ha difenn ouzh e sujidi kaout afer ebet gant Curia Roma. Eskumunuget e voe e 1363 gant Urban V eta, d'ar mare ma oa ar pab o prezeg brezel ar groaz enep dezhañ^[1] When Bernabò was in one of his frequent rages, only the children's mother, Beatrice Regina, was able to approach him^[2].

Francesco Iañ Gonzaga, pried Agnese Visconti

E 1375 e oa bet prometet gant he zad he dimeziñ da vab Ludovico II Gonzaga. Evel argouroù e oa 50.000 skoed aour ha kêrioù Parma, Cremona, Brescia ha Bergamo. E 1380 e timezas da Francesco Iañ Gonzaga aotrou Mantova. Da geñver hec'h eured e roas Bernabò ha Beatrice d'o merc'h ul Libro delle Istorie del Mondo, un oberenn gant Giovanni di Benedetto da Como^[3].

Mamm

Ur verc'h he doe^[4]:

Alda (?-30 a viz Gouhere 1405), a zimezas e 1405 da Francesco II Novello da Carrara, Aotrou Padova^[5].

Distroadet he zad

Pa c'hoarvezas an taol-stad a-enep Bernabò, kaset gant Gian Galeazzo Visconti, a lakaas bac'hañ, e kastell Trezzo, e eontr hag e vibien Ludovico ha Rodolfo, ec'h embannas Agnese e save a-grenn a-enep gwalloberoù he c'henderv. Degemer a reas e Mantova harluidi eus Milano a oa enebet ouzh aotrou nevez Milano^[6].

Kondaonet d'ar marv

Tamallet e voe dezhi bezañ avoultrez ha dibennet e voe war un dro gant he serc'heg, Antonio da Scandiano^[5]. Abegoù politikel a oa moarvat d'he c'hondaonidigezh^[6].

Goude he marv

Daou vloaz goude ec'h addimezas Francesco^[6] da Margherita Malatesta, hag e skoulmas un emglev gant aotrouien Rimini a-enep galloud Visconti Milano^[5].

Notennoù

↑ Barbara W. Tuchman, A Distant Mirror, p.263
↑ Tuchman, p.254
↑ http://www.storiadimilano.it/Arte/miniatori.htm
↑ https://web.archive.org/web/20160305044823/http://genealogy.euweb.cz/gonzaga/gonzaga2.html#F1
↑ ^5,0 ^5,1 ha^5,2 http://www.chieracostui.com/costui/docs/search/schedaoltre.asp?ID=909
↑ ^6,0 ^6,1 ha^6,2 https://web.archive.org/web/20070927050050/http://www.itis.mn.it/gonzaga/files/gonzaga/4_gonzaga/francesco1.html

Pennadoù kar

[1] Barbara W. Tuchman, A Distant Mirror, p.263

[2] Tuchman, p.254

[3] ttp://www.storiadimilano.it/Arte/miniatori.htm

[4] ttps://web.archive.org/web/20160305044823/http://genealogy.euweb.cz/gonzaga/gonzaga2.html#F1

[chieracostui.com-5] 5,0 ^5,1 ha^5,2 http://www.chieracostui.com/costui/docs/search/schedaoltre.asp?ID=909

[itis.mn.it-6] 6,0 ^6,1 ha^6,2 https://web.archive.org/web/20070927050050/http://www.itis.mn.it/gonzaga/files/gonzaga/4_gonzaga/francesco1.html

[1]

[2]

[3]

[4]

[5]

[6]