Isabeau Bavaria
Isabeau Bavaria, pe Isabeau de Bavière hervez hec'h anv gallek, pe Elisabeth von Bayern a-raok hec'h eured (1371- 29 a viz Gwengolo 1435), a oa merc'h da Stefan III, dug Bavaria-Ingolstadt, ha da Taddea Visconti (1351–1381). Dimeziñ a eure d'ar roue gall Charlez VI d'ar 17 a viz Gouhere 1385, pa ne oa-eñ nemet 16 vloaz, ha hi 14. Ha setu hi rouanez Bro-C'hall, en amzer ar Brezel Kant Vloaz, da vare Skism Bras ar C'hornôg.
.jpg)
Troet he fried Charlez VI da foll, hi an hini a voe e penn ar C'huzul-ren, gant an noblañsed uhel. Politikourez fin ne oa ket, ha ret e vije bezañ bet dirak an daou zen edo ar galloud gwir etre o daouarn, dug Orleañs, Loeiz Orleañs (e penn an Armagnaged) ha dug Bourgogn, Fulup an Her, hag e vab Yann Dizaon war-lerc'h e varv e 1404.
Fulup an Her, Dug Bourgogn, a oa rejant Bro-C'hall da c'hortoz ken e vije Charlez en oad da ren.
He bugale Aozañ
Daouzek bugel he doe:
- Charles (1386-1386)
- Jeanne (1388-1390),
- Isabelle (1389-1409)
- Jeanne (1391-1433), a zimezas da Yann V, dug Breizh
- Charles (1392-1398)
- Marie (1393-1438), abadez e Poissy
- Michelle (1393-1422) dimezet da Philippe III le Bon, dug Bourgogn
- Louis de Valois (1397-1415)
- Jean (1398-1417), dug Touraine.
- Catherine de Valois (1401-1437), a zimezas da Herri V , roue Bro-Saoz
- Charlez VII, roue Bro-C'hall war-lerc'h e dad (1403-1461)
- Philippe (1407-1407). Kontet ez eus bet diwar e benn e oa ur bastard, hag e oa Janed Ark e gwirionez, merc'h da Isabeau ha da Louis d'Orléans
Notennoù Aozañ
Levrlennadur Aozañ
- Philippe Delorme, Isabeau de Bavière : épouse de Charles VI, mère de Charles VII. Pariz : Pygmalion, coll. « Histoire des reines de France », 2003. 320 p., 24 cm. ISBN 2-85704-816-5.
- Françoise Autrand, "Charles VI", Fayard, 1986
- Marie-Véronique Clin, "Isabeau de Bavière", Perrin, 1999
- Jean Verdon, Isabeau de Bavière, éd. Tallandier.
- Roger Senzig - Marcel Gay, "L'Affaire Jeanne D'Arc", Florent Massot, septembre 2007