Alanig an Tri Roue

Alanig an Tri Roue zo ur romant (kant seizh pajenn ha daou-ugent ennañ) skrivet e brezhoneg eeun gant Roparz Hemon evit ar vugale. Embannet e oa bet gant Skridoù Breizh e 1950.

Adembannadurioù

Adembannet e oa bet al levr e 1992 gant Mouladurioù Hor Yezh.

Ar romant

Alanig, ur paotrig a seizh vloaz, a zo kouezhet klañv just a-raok deiz an Nedeleg ha ret eo dezhañ chom e-barzh e wele. Dre e hunvreoù ez a da-heul Tri Roue ar c'hraou Nedeleg oc'h advevañ darvoudoù 'zo eus an Istor Santel.

Ar pennadoù

Setu ar pevarzek pennad :

Ar c'hraou Nedeleg
Tintin Fina
Oferenn an Hanternoz
An Tri Roue
Lazhadeg an Inosantezed
Pesk Jonaz
Arc'h Noe (gant Istor gwir ar c'had hag ar vaot)
Sorserez Endor
Mogerioù Jeric'ho
An daouzek profed bihan (gant Istor ar briñsez sukr)
Foz al Leoned
Palez Ester (gant Istor ar Priñs Zoroab ha Zelmira goant)
Tour Babel
Paradoz an douar

Troidigezh

Troet eo bet al levr e kembraeg gant Zonia Bowen, hag embannet dindan an titl Alan a'r tri brenin (1984).