Alexander H. Stephens
Alexander Hamilton Stephens, bet ganet d'an 11 a viz C'hwevrer 1812 e Crawfordville (Georgia) hag aet da Anaon d'ar 4 a viz Meurzh 1883 en Atlanta, a oa un alvokad hag ur politikour stadunanat.
Besprezidant Stadoù Kengevreet Amerika e voe e-pad Brezel diabarzh Stadoù-Unanet Amerika. Prezegenn brudetañ Alexander Stephens eo an hini a zistagas e miz Meurzh 1861 evit difenn ar sklavelezh gant gerioù dibleg. Zoken pa glaskas sioulaat e fromoù goude ar brezel e oa chomet skoet an dud gant danvez ar brezegenn-se.
| Reizh pe jener | paotr  |
|---|---|
| Bro ar geodedouriezh | Stadoù-Unanet, Stadoù Kengevreet Amerika |
| Anv e yezh-vamm an den | Alexander H. Stephens |
| Anv ganedigezh | Alexander Hamilton Stephens |
| Anv-bihan | Alexander |
| Anv-familh | Stephens |
| Deiziad ganedigezh | 11 C'hwe 1812 |
| Lec'h ganedigezh | Taliaferro County |
| Deiziad ar marv | 4 Meu 1883 |
| Lec'h ar marv | Atlanta |
| Lec'h douaridigezh | A. H. Stephens State Park |
| Yezh vamm | saozneg |
| Yezhoù komzet pe skrivet | saozneg |
| Yezh implijet dre skrid | saozneg |
| Micher | politiker, skrivagner |
| Implijer | University of Georgia |
| Bet war ar studi e | University of Georgia |
| Honorific prefix | Excellency |
| Strollad politikel | Whig Party, Strollad Demokratel |
| Bet war ar renk da vezañ dilennet | Confederate States presidential election |
| Statud sokial | slave owner |
| Relijion | Presbyterianism |
| Ideologiezh politikel | separatism |
| Darvoud-alc'hwez | Brezel diabarzh Stadoù-Unanet Amerika |
| National Governors Association biography URL | https://www.nga.org/governor/alexander-hamilton-stephens/ |
A-feur ma pade ar brezel teuas A. H. Stephens da vezañ buruteller meur prezidant Stadoù Kengevreet Amerika Jefferson Davis hag e obererezh politikel. Displijet e oa gant ar c'hoñje ret hag al lamm roet d'an habeas corpus. E miz C'hwevrer 1865 e voe unan eus kannaded ar Su hag a glaskas kavout un arsav-brezel da geñver ur vodadeg gant Abraham Lincoln, hini c'hwitet Hampton Roads. Goude e harzadenn hag ar pardon roet dezhañ, Stephens a zistroas d'e servij e Kongres ar Stadoù-Unanet, ha diwezhatoc'h evel 50vet Gouarnour Georgia nebeut amzer a-raok mont da Anaon.
 Alexander H. Stephens e-tro 1875 gant e servijer, ur sklav dieubet |