Algea

An Algea (e gregach Ἄλγεα) a oa drouksperedoù, gwelet evel maouezed, a zegase tristidigezh ha daeroù d'an dud. A-wechoù e komzer eus Algos (Ἄλγος), evel pa ne vije nemet unan anezho.

Merc'hed e oant da Eris, pe da Eter ha Gaia ha breudeur ha c'hoarezed niverus o doa, en o zouez an Hismined hag ar Mac'hed, ha Lete, Limos, Horkos, ha Ponos.

Peurvuiañ avat e konter teir anezho:

• Acos (Ἄχος) eo poan ar c'horf, kleñvedoù ha gloazoù hag a c'hall kas d'ar marv;
• Ania (Ἀνία) eo ar boan-spered, deuet eus ar vuhez;
• Lipe (Λύπη) e oa ar ranngalon, ar glac'har.

Ar ger

Diwar an anv-se e teu al lostger '-algia' er yezhoù latin .