Androktasied

An Androktasied (em gregach androktasíai /Ἀνδροκτασίαι) a oa drouksperedoù al lazhadegoù er brezelioù e mojennoù Hellaz kozh.

Merc'hed e oant d'an doueez Eris (Discordia ar Romaned), ha niverus e oa o breudeur ha c'hoarezed : Ponos (ar Boan), Lete (an Ankoun), Limos (an Naon), ar Fonoi hag ar Mac'hed (ar Muntroù hag an Emgannoù), Disnomia hag Ate (an Dizurzh hag an Drouziwezh), Algea (ar Poanioù), an Hismined, Neikea (ar Chabous), Amfilogied (an Tabutoù), Pseudologoi (ar Gevier) ha Horkos (al Le).