Amzer aoristek

Er yezhoniezh e vez implijet an termen aoristek pe dispis (e saozneg: aorist, diwar an henc'hresianeg: ἀόριστος, aóristos, "hep dremmwel, divevenn") evit komz un arvez yezhadurel, pe resisoc'h un amzer yezhadurel a dalvez da deskrivañ un ober (a ra dave dezhañ ar verb) kaset da benn en un doare distag diouzh un amzer resis, da lâret nag en amzer-dremenet, nag en amzer-vremañ, nag en amzer-da-zont, da lâret eo o verkañ an ober drezañ e-unan hepmuiken.

Implijet e veze hag e vez c'hoazh e yezhoù indezeuropek 'zo, en o zouez ar sañskriteg, ar bulgareg, an hentchekeg, hag ar henc'hresianeg hag ar gresianeg a-vremañ.

• Da skouer:

ὁ χρόνος πάντα διαφθείρει

"An amzer a zistruj pep tra"

Mammennoù:

• Er pennad-mañ ez eus testennoù tennet eus 11vet embannadur an Encyclopædia Britannica, ur vammenn a zo en domani foran.

Liammoù diavaez:

• Greek tenses