Ar Brezhoneg hag ar Feiz A zo breur ha c'hoar e Breizh

Ar Brezhoneg hag ar Feiz A zo breur ha c'hoar e Breizh zo unan eus krennlavaroù ar vrezhonegerien gristen. Brudet eo bet gant Bleun Brug Yann-Vari Perrot. Koshoc'h eo al lavar avat.

Rimadell

Savet eo gant div werzenn a seizh silabenn pep hini.

Istor

• Kentañ ma voe embannet e oa en Nouvelles conversations en breton et en français e 1857, er bajenn 126, ma'z eo skrivet Ar Brezonek hagarfeiz A zo breur ha c'hoar e Breiz.

• Hen adkavout a reer e 1876 war bajenn-dal an Nouveau Dictionnaire pratique Breton-Français du dialecte de Léon, gant A.-E. Troude, skrivet evel-hen: Ar brezounek hag ar Feiz A zo breur ha c'hoar e Breiz.

• E 1906 e Sarmoniou an Aotrou Quere e kaver un doare damheñvelik :

Ha goude he varo

Pell c’hoaz e komzo,

Keit ha ma vo e Breiz,

Ha Brezonek ha Feiz.

Diwezhatoc'h eo e voe adkemeret gant Yann-Vari Perrot.

Hiziv

Gant ar ger-stur-se e c'haller muzuliañ hiriv ar c'hemmoù bras c'hoarvezet e Breizh abaoe ar c'houlz-se.