Arme ar Stadoù-Unanet

An United States Army pe US Army, berraet en USA, da lâret eo Arme ar Stadoù-Unanet eo skourr pennañ an United States Armed Forces dezhi da gefridi kas da benn an obererezhioù milourel war zouar. Bez'ez eo unan eus seizh skourr milourel e Stadoù-Unanet Amerika hag a vez graet Army of the United States anezho e bonreizh ar vro^[1] hag en United States Code^[2]. Skourr niverusañ ha koshañ nerzhioù arme ar Stadoù-Unanet eo. Emañ gwrizioù an US Army arnevez er C'hontinental Army, "Arme ar c'hevandir", hag a oa bet savet d'ar 14 a viz Even 1775 da vrezeliañ e-pad Brezel dieubidigezh ar Stadoù Unanet (1775–1783) a-enep armeoù ar Rouantelezh-Unanet.

Emgann Yorktown e-kerzh Brezel dieubidigezh ar Stadoù Unanet a redias ar Rouantelezh-Unanet da gregiñ da varc'hata. Heuliet e oa Feur-emglev Pariz gant krouidigezh Stadoù-Unanet Amerika.

Goude ar brezel dispac'hel, Kendalc'h ar Stadoù-Unanet a grouas an United States Army d'an 3 a viz Even 1784, evit kemer plas Arme ar c'hevandir a oa divodet. An United States Army a gendalc'h hengoun Arme ar c'hevandir, hag a ro deiziad he ganedigezh evel nerzh stourm e 1775.

Kefridioù pennañAozañ

An United States Army zo skourr obererezhioù milourel war zouar an U.S. Armed Forces. Rann 3062 eus Titl 10 an US Code a zisklêir ez eo he c'hefridi :

gwareziñ ar peoc'h hag ar surentez ha degas evit difenn Stadoù-Unanet Amerika, ar C'hommonwealth pe dalc'hoù pe forzh peseurt douar dalc'het gant ar vro;
harpañ politikerezh ar vro ;
tizhout palioù ar vro ;
trec'hiñ forzh peseurt vro kablus eus oberioù tagus a lakafe ar peoc'h ha surentez Stadoù-Unanet Amerika en arvar.