Arthur Antunes Coimbra
Arthur Antunes Coimbra (pell anavezetoc'h evel Zico), bet ganet d'an 3 a viz Meurzh 1953 e Rio de Janeiro (Brazil), a zo bet ur melldroader etrebroadel brazilian, aet da c'hourdoner goude e amzer c'hoarier.
Graet e vez Galinho de Quintino anezhañ ivez.
Breur eo da zaou velldroader brudet all : Antunes hag Edu.
Unnek krogad ha tri-ugent en devoa c'hoariet gant skipailh broadel Brazil etre 1976 ha 1988 ha merket eizh pal ha daou-ugent.
Kreizer argader e bost dezhañ war an dachenn, kemeret en devoa perzh Zico e tri dalc'h :
- Kib vell-droad ar bed 1978 bet aozet en Arc'hantina ma voe renket skipailh broadel Brazil da drivet,
- Kib vell-droad ar bed 1982 bet aozet e Spagn,
- Kib vell-droad ar bed 1986 bet aozet e Mec'hiko.