Arzh Pleuzal

Arzh Pleuzal zo ul loen mojennel a vije bet gwelet gant un toulladig tud er bloaz 1997 e Pleuzal (Treger), a oa ur gumun e kanton Pontrev en amzer-se.

Klasket e voe an arzh gant an archerien, furchet e voe parkeier, ur viñsaskell a zeuas da harpañ ar furcherien, met ne voe ket kavet al loen gwelet gant meur a zen koulskoude^[1]^[2].

Goap a veze graet sof-kont er vro gant al loen, ha diwar-goust Pleuzaliz.

Hervez un enklask graet 20 vloaz goude e vije bet ur c'hi eus ur ouenn vras, ur grifon Khortals, tec'het eus ti ur chaseer, ha marvet ur pennad goude.

Redadeg

Ur redadeg war-droad a vez aozet bep bloaz, etre Landreger ha Pleuzal e koun arzh Pleuzal^[3].

Notennoù

[1] (fr) 'L'ours de Ploézal : 20 ans de mystère, La Presse d'Armor, 02/11/2017. Kavet : 18/01/2024..

[2] ttps://actu.fr/bretagne/ploezal_22204/insolite-quand-un-ours-semait-le-trouble-et-le-mystere-en-bretagne_59995299.html

[3] ttps://www.letelegramme.fr/cotes-d-armor/lannion-22300/trois-bonnes-raisons-d-aller-courir-l-ours-de-treguier-a-ploezal-357763.php

[1]

[2]

[3]