Bagoas (vizir)
Bagoas (Bagoi en henberseg, Βαγώας / Bagôas e gregach) a oa un tizhog, egiptat a orin, ha mignon da roue Pers Artaxerxes III.
| Reizh pe jener | paotr  |
|---|---|
| Deiziad ganedigezh | 4vet kantved kt JK |
| Deiziad ar marv | 336 BCE |
| Doare mervel | muntr |
| Abeg ar marv | ampoezonet |
| Kondaonet evit | rouelazh |
| Micher | politiker |
| Karg | vizier |
| Subject has role | Tizhog |
- Ur pennad Bagoas zo ivez.
Istor
kemmañEn em glevet e oa gant ar pennbrezelour Mentor, eus Rodos, evit sujañ Egipt a-nevez ouzh Impalaeriezh Pers (war-dro 342 moarvat). Kement a c'halloud en doe neuze ma voe gwir vestr ar vro[1].
Kavout a reas un doare da binvidikaat buan. Skrapañ a reas levrioù sakr temploù Egipt ha goulenn a reas arc'hant bras evit o daskor d'ar veleien[2].
Pa oa bet lazhet Johannes e Templ Jeruzalem gant e vreur, ar Beleg Meur, e lakaas Bagoas (a oa a-du gant Johannes) un tailh nevez war ar Yuzevien, hag ez eas e-unan e-barzh an Templ (pezh a oa berzet gant ar veleien yuzev), o lavarout e oa-eñ glanoc'h eget ar vuntrerien[3].
En 338 e reas lazhañ ar roue hag e holl vibien, nemet Arses a voe lakaet gantañ war an tron. Hervez ur vojenn kontet gant Élien[4] e vije bet lazhet ar roue Artaxerxes III gant Bagoas, peogwir en devoa roet urzh da lazhañ an tarv sakr Apis, hag e roaskorf ar roue da zebriñ d'e gizhier.
Dre ma ne gave ket Arses sentus a-walc'h outañ e roas urzh d'e gontammañ en -336. En e lec'h e lakaas ur priñs all, Darius III Codoman. Siwazh dezhañ ne oa ket sentusoc'h ar roue nevez eget Arsès. Met furoc'h e oa Darius, ha komprenet en doa petra a oa en em gavet gant arrouaned all, hag ober a reas da Vagoas evañ ar c'hontamm en doa aozet evit ar roue[5].
Notennoù
kemmañ- ↑ Patrom:DioBib, XVI, 50 ; cf. Didymus, Comm. in Demosth. Phil. VI. 5.
- ↑ Diodoros, XVI, 51.
- ↑ Flavius Josephus, Antiquitates Judaicae, XI, 7, 1.
- ↑ Patrom:ÉliHis, VI, 8.
- ↑ Diodoros, XVII, 5 ; Johann. Antioche, p. 38-39 embannadur Muller ; Arrien, II, 14, 5 ; Curt., VI, 4, 10.