Banniel Suis

Banniel Suis eo banniel broadel hag ofisiel Kengevread Suis. Ur c'harrez ruz eo gant ur groaz c'hresian wenn en e greiz.

Banniel Suis
Kenfeurioù	1:1
Kod bannielouriezh	Banniel war zouar
Degemeret e	1848 ; 1899
Livioù	██ ruz 186C ██ gwenn

Istor

Daoust ma n'eo bet degemeret nemet nevezik 'zo (1848) ha reolennet abaoe 1889 e kaver meneg eus ur groaz wenn war ur foñs ruz implijet gant armeoù Suis abaoe ar XIV^vet kantved. Diazezet eo war ardamezioù kanton Schwyz, unan eus an tri c'hanton diazez eus ar c'hengevread. Banniel Savoia, ur vro nes, a zo kar dezhañ.

• 
  Banniel Savoia

Kenfeurioù

Karrez eo banniel Suis, koulz ha reoù ar c'hantonioù. En tu-hont da Suis n'eus nemet ur Stad er bed a-gement he deus ur banniel karrez : ar Vatikan.

Ar bannieloù en implij war al listri o devez dre vras ar c'henfeurioù boasoc'h 2:3.

• 
  Banniel Suis evit al listri

Livioù=

Arlivioù banniel Suis

Pemp arliv ruz (da nebeutañ) zo bet da vanniel Suis ; er bloaz 2017 ez eo bet termenet ar ruz a-vremañ : MMMM ruz plaen (HTML : #ff0000 / #f00).

Banniel ar Groaz Ruz

Banniel Suis eo orin hini ar ar Groaz Ruz : eilpennet e oa bet al livioù.

Banniel ar Groaz Ruz