Berengar Iañ Italia

Berengar Iañ Italia, pe Berengar Italia hepmui (met Berengar Italia a vez lavaret eus Berengar II Italia ivez) pe Berengar Frioul († 924), a oa roue al Lombarded en Xvet kantved. Mab e oa d'ur priñs frank, Eberhard († 866), markiz Frioul, ha hennezh a oa mab da Unroch, kont Ternois, ha da Gisela († 874), merc'h an impalaer Loeiz an Deol.

E vuhezAozañ

Dilennet e voe da roue al Lombarded e Pavia e 888, met er bloaz war-lerc'h e voe faezhet gant e gevezer Guido III Spoleto (Wido) († 894), ha hennezh a voe dilennet da roue e miz C'hwevrer 889.

Klask a reas Berengar adkemer ar galloud kollet, ha meur a wech e teuas a-benn. E 898, e voe roue Italia en-dro, pa varvas Lambert Spoleto, mab e enebour Wido ha kenroue gantañ.

Dilennet e oa bet Loeiz III Provañs da roue Italia d'an 12 a viz Here 902 e Pavia. Trec'het e voe gant Berengar. D'an 21 a viz Gouhere 905 e voe trec'het adarre gantañ e Verona, ha prizoniet. Berengar a lakaas dallañ Loeiz hag a gemeras ar gurunenn en-dro.

Da Sul Fask, d'ar 24 a viz Meurzh 916 e Roma, e voe kurunennet impalaer ar Romaned gant ar pab Yann X.[1].

Drouklazhet e voe Berengar e Verona d'ar 7 a viz Ebrel 924. Ne vo ket roet an titl en-dro a-raok kurunidigezh Otton Iañ e 962.

E verc'h Gisela Frioul a zimezas da Adalbert, markiz Ivrea. Ur mab o doe, Berengar Ivrea († 966), a voe roue al Lombarded ivez en 950

En e raok:
Karl III
Lambert Spoleto
Loeiz III an Dall
Rouaned Italia
888889
898900
902922
War e lerc'h:
Guido III Spoleto
Loeiz III an Dall
Rodolf II Bourgogn

NotennoùAozañ

  1. Voir page 269 du Traité de la puissance ecclésiastique... de Giovanni Antonio Bianchi traduit par Adolphe Charles Peltier (1857)



Pennad karAozañ