Ar mab a vez graet eus bugel ur vamm, pa vez hañval e reizh ouzh hini e dad, ha pa vez hañval ouzh hini ur vamm e vez lavaret ar verc'h.

Mamm ha mibien. Poltred Lady Cockburn hag he zri mab henañ, eoullivadur gant Joshua Reynolds.
Tad ha mab, e Panjab.
Wait For Me, Daddy (Gortoz-me, tadig) gant Claude Dettloff (1940). Unan eus al luc'hskeudennoù brudetañ graet e-pad an Eil brezel-bed.
Chulalongkorn, roue Siam (tre en tu dehoù) gant un toullad eus e vibien en Eton College e Bro-Saoz e 1897 ( 33 mab en doa ar roue).

Komz a reer

  • eus ar mab henañ pa vez daou vab,
  • eus an hini etrehenañ pa vez tri mab
  • eus ar yaouankañ pa reer anv eus an diwezhañ ganet.

Sevenadur kemmañ

Hervez ar c'hiz kozh e oa d'ar mab henañ da genderc'hel labour e dad, hag alies e veze savet evit seveniñ ar gefridi-se. Komz a reer eus gwir ar mab henañ, a veze roet dezhañ an holl beadra a oa en tiegezh, ha ne chome nemet nebeud, pe netra da reiñ d'ar vugale all. Ar merc'hed, pa vezent dimezet ha pa'z aent d'un tiegezh all, a veze roet dezho un tamm argouroù.

En tiegezhioù niverus e veze ar c'hiz reiñ ur mab d'an iliz, hag unan all d'an arme, evel ma veze paeet an tailhoù.

Advabañ kemmañ

Mab-den kemmañ

Anvioù kemmañ

E meur a sevenadur hag a yezh e vez, pe e veze, anvet ar vibien diwar anv o zad.

Breizh kemmañ

Chom a ra un aspadenn eus an doare-envel-se en anvioù-tiegezh en ab.

E Kembre kemmañ

E Kembre eo bet advevaet an doare-envel kozh, ma c'haller dilezel an anv Jones, da skouer, pe unan all, mar karer, ha dibab an doare gant ab (pe ap).

E Bro-Saoz kemmañ

E Bro-Saoz (evel en Iwerzhon, Skos, SUA, Sveden) ez echu kalzik a anvioù tiegezh gant ar ger son :

  • Jackson, Jameson, Jefferson, Johnson ...
  • Wilson...

E Lec'hlenn kemmañ

Danmark kemmañ

Eno ez echu kalz anvioù gant sen:

  • Andersen, Christiansen, Henriksen, Jensen, Sorensen

Norvegia kemmañ

Eno ez echu anvioù zo gant sen pe son :

  • Ambjørnsen, Christensen, Henriksen...
  • Magnusson, Sigurdsson, Odinson...

E Spagn ha Portugal kemmañ

E Spagn e echu gant ez an anvioù savet diwar anv an tad, en es e Portugal:

  • Alvarez/Alvares
  • Enríquez/Henriques
  • Fernández, Hernández /Fernandes
  • Rodriguez/Rodrigues
  • Martinez/Martins
  • González/Gonçalves
  • Suarez/Soares

En Iwerzhon hag e Bro-Skos kemmañ

Kavout a reer kalz anvioù-tud gant Mac (="mab"). Da skouer : "Mac Thomáis" (mab Thomas), "Mac Domhnaill" (mab Donald), er yezhoù gouezelek. Pe en ur stumm saoznekaet : "MacDonald", "MacLean".


Pennadoù kar kemmañ


Sellit ouzh ar ger Mab er
wikeriadur, ar geriadur frank.