Wikipedia

Breizhadelezh

Ar vreizhadelezh zo ur santimant, un trivli, ha n'eo ket ur vroadelezh. N'eo ket stag ouzh ur stad, dre ma n'eo ket Breizh ur stad distag ha dizalc'h ma c'hall ar velestradurezh reiñ e vroadelezh da unan bennak pe he nac'hañ outañ.

Daou zoare dre vras kemmañ

Dre vras e c'haller merzout daou zoare da welet ar vreizhadelezh :

1. Un termenadur strizh : Breizhad (pe Breton) eo an hini zo bet ganet ha maget e Breizh.

2. Un termenadur ledan (ha soutiloc'h) hag a lavar ez eus meur a zoare da vezañ Breizhad.

Dre vras eo an eil a vez embannet ar muiañ, hervez ar c'hazetennoù.

Renabl kemmañ

Ouzhpenn daou zoare zo da vezañ breizhat eta, pa seller a dost:

  1. Bezañ ganet e Breizh,
    ...met kalz tud ha n’int ket ganet e Breizh (Erwan Evenou, Gilles Servat) zo kontet da vezañ Breizhiz, ha tud zo, ganet e Breizh (Béatrice Dalle, ganet e Brest, Charles Hernu ganet e Kemper, Alain Savary ganet e Dinan) n'o deus ket lavaret e oant Breizhiz.
  2. Bezañ maget pe tremenet un tamm eus e yaouankiz e Breizh, evel Marion Cotillard
  3. Bezañ Breizhad e dad pe e vamm, pe e dud-kozh hervez lod,
    ...evel Alan Stivell, a lavar bezañ Breizhad, pe bugale Jean-Marie Le Pen ha ne reont ket.
  4. Bezañ o chom e Breizh,
    ...met tud zo a gav dezho n’eo ket trawalc’h, hag eo ret bezañ bet o chom er vro abaoe ur pennad. Pinvidien c'hall zo a zo o chom e Breizh abaoe pell zo: Jean-Claude Delarue, Alain Souchon ha ne lavaront ket bout Breizhiz.
  5. Bezañ brezhoneger. Brezhonegerien zo a zo o chom e-maez Breizh. Lod a lavar bout Breizhiz, lod all ne fell ket dezho bezañ.
  6. Embann bezañ Breizhad pe kaout c'hoant da vezañ.
  7. Kaout ar vroadelezh c'hall. N'eo ket trawalc'h, met un dra ret e vije hervez lod.

Dre vras n'ouzer ket ali politikerien Breizh diwar-benn ar vreizhadelezh, ha ne gomzont ket nemeur a se.


Levrlennadur kemmañ

Liammoù diavaez kemmañ

Adtapet diwar « https://br.wikipedia.org/w/index.php?title=Breizhadelezh&oldid=1990799 »