Digeriñ al lañser pennañ

Breizh zo ur vro geltiek e kornôg Europa. Ur vroad eo ivez abaoe an IXvet kantved, pa oa unanet gant Nevenoe, he roue kentañ. Bretoned a vez graet eus he fobl.

Armoiries Bretagne - Arms of Brittany.svg
Breizh
Flag of Brittany.svg
Bretagne historique.png
Ger-stur
Kentoc’h mervel eget bezañ saotret

Kan broadel
Bro gozh ma zadoù


Melestradur
Kêr-benn Naoned (istorel)
Roazhon (melstradurel)
Departamantoù Aodoù-an-Arvor (22)
Il-ha-Gwilen (35)
Liger-Atlantel (44, istorel)
Mor-Bihan (56)
Penn-ar-Bed (29)
Arondisamant 15
Kantonioù 201
Kumunioù 1 268
Prezidant Loïg Chesnais-Girard
Douaroniezh
Gorread 34 023 km² (istorel)
27 208 km²(melestradurel)
Poblañs (2016) 4 687 381 (istorel)
3 306 529 (melestradurel)
Stankted 138 (istorel)
122 (melestradurel)
Breizh hag ar broioù amezek dezhi
Bro-C'hall e 1732
« Breizh, proviñs brudet da vout estren »
« Breizh »
Jean Brunet, 1908
Mirdi an Arzoù-kaer, Kemper

Dizalc'h eo bet Stad Breizh betek ar XVIvet kantved a-raok bezañ enframmet e rouantelezh Bro-C'hall da-heul koll arme Breizh a-enep an arme c'hall en emgann Sant-Albin-an-Hiliber e 1488. Emren eo chomet Breizh betek dibenn an XVIIIvet kantved a-raok bezañ dispennet ha divodet gant an Dispac'h gall a grouas an departamantoù.

Abaoe krouidigezh ar rannvroioù e Frañs en eil hanterenn an XXvet kantved ez eus bet savet en-dro ur gwirvoud melestradurel da Vreizh, evit an daou drederenn eus he foblañs.

Ul ledenez vras eo Breizh, lec'hiet e kornôg Europa, etre Bro-C'hall hag an inizi breizhveuriat. War un tiriad strategel emañ, etre Mor Breizh hag ar Meurvor Atlantel, adal da gevandir Amerika. Un hin veurvorel he deus, neuze e vez dous ha gleb he goañvioù ha fresk he hañvioù daoust da vezañ tommoc'h gant tommadur an hin en XXIvet kantved.

Div rannvroAozañ

Evit ar poent eo rannet Breizh etre div rannvro velestradurel :

Naoned eo kêr-benn velestradurel ar rannvro – kêr-benn Breizh eo bet keit ha ma oa dizalc'h Breizh diouzh Bro-C'hall.

Unvan eo Breizh evit a sell ouzh ar justis, pa dalvez lez-c'halv Roazhon evit Breizh en he fezh.

Daoust d'ar frankiz kollet ha d'ar frammoù melestradurel a zisrann ar Vretoned e kendalc'h Breizh da vevañ evel un unanenn vroadel. Ar merkoù anatañ eus kement-se eo he sevenadur dibar (sonerezh, kan, lennegezh, keginerezh, dañsoù, c'hoariva, gizioù emwiskañ hag all), he yezhoù (ar brezhoneg hag ar gallaoueg), hec'h armerzh (gant luskadoù evel Produet e Breizh), labour an Emsav (politikel, sevenadurel, yezhel, armerzhel) abaoe daou gantved, al liammoù etrebroadel niverus a vez maget gant pobloù all, ha youl ar Vretoned da vevañ en ur vro unanet en-dro.

IstorAozañ

Pennad pennañ : Istor Breizh

Bet eo bet Breizh unan eus ar riezoù koshañ en Europa da vare diskar an Impalaeriezh roman, met kavet ez eus bet roudoù niverus eus obererezhioù mab-den e takadoù tost d'an aodoù ha war an inizi peurvuiañ. Roudoù un tantad ken kozh ha 500 000 a vloavezhioù zo bet kavet e Ploeneg, ar re goshañ kavet en Europa. En enez Eusa ez eus bet meur a vonedonea gant annezidi a bep seurt abaoe hoalad an Neolitik. Etre 4 000 ha 1 200 kent J.K. e savas tud ne anavezer kalz a draoù diwar o fenn meur a savadur mein : peulvanoù, mein sonn, taolioù-maen hag alezioù toet. Sevenadur ar meurvein en em astennas war Europa a-bezh, met e Breizh e tizhas un diorren bras, seul vui m'eo roc'hellek-kenañ an douar.

DouaroniezhAozañ

PoblañsAozañ

Hervez an niveridigezh ofisiel diwezhañ e oa 4 687 381 a dud o chom e Breizh e 2016 (3 306 529 e Rannvro Breizh hag 1 380 852 Liger-Atlantel)[1], ar pezh a Breizh etre Zeland-Nevez (4 961 460 e 2018) ha Palestina (4 550 368 e 2014).

Kêrioù BreizhAozañ

Kêrioù Breizh hervez o foblañs (2016), diazezet war ar gumun
  1. Naoned: 306 694 a dud
  2. Roazhon: 222 104
  3. Brest: 142 629
  4. Sant-Nazer: 72 295
  5. Kemper: 66 743
  6. An Oriant: 58 789
  7. Gwened: 55 573
  8. Sant-Maloù: 47 528
  9. Sant-Ervlan : 47 502
  10. Sant-Brieg: 47 058
  1. Felger: 21 028
  2. Lannuon: 20 811
  3. Konk-Kerne: 19 898
  4. Henbont: 15 992
  5. Montroulez: 15 446
  6. Dinan: 14 861
  7. An Alre: 14 100
  8. Dinarzh: 10 711
  9. Redon: 9 820
  10. Penmarc'h: 5 462

YezhoùAozañ

Rannvro BreizhAozañ

Lod eus Breizh zo e rannvro Breizh. Implijout a ra ar rannvro-se an anv "Breizh" eta, met n'eo ket Breizh a-bezh.

Rannvro Broioù al LigerAozañ

Al lodenn all eus Breizh zo lec'hiet e rannvro Broioù-al-Liger (departamant al Liger-Atlantel).

Pennadoù karAozañ

Liammoù diavaezAozañ

NotennoùAozañ

  1. Sifroù bet embannet e 2018 gant an INSEE




  Porched Breizh – Adkavit pennadoù ha rummadoù Wikipedia a denn da Vreizh.