Kersaout

Kersaout (Corseul e galleg) zo ur barrez kozh eus Bro-Sant-Maloù hag ur gumun eus departamant gall Aodoù-an-Arvor e Breizh.

Kersaout
An ti-kêr.
Anv gallaouek	Corsoeut
Anv gallek (ofisiel)	Corseul
Bro istorel	Bro-Sant-Maloù
Melestradurezh
Departamant	Aodoù-an-Arvor
Arondisamant	Dinan
Kanton	Plangoed
Kod kumun	22048
Kod post	22130
Maer Amzer gefridi	Alain Jan 2020-2026
Etrekumuniezh	Dinan Tolpad-kêrioù
Bro velestradurel	Bro Dinan
Lec'hienn Web	(fr)www.corseul.fr
Poblañsouriezh
Poblañs	2 270 ann. (2022)
Stankter	54 ann./km²
Douaroniezh
Daveennoù lec'hiañ	48° 28′ 57″ Norzh 2° 10′ 08″ Kornôg
Uhelderioù	kreiz-kêr : 120 m bihanañ 13 m — brasañ 126 m
Gorread	41,74 km²
Kersaout

Douaroniezh

E kanton Plangoed emañ.

Anv

• Erwan Vallerie ː Corsult, IX^vet; Corsolt, 1123; Corsot, 1124, 1163, 1184; Corsolt, 1184; Corsot, 1187; Corsout, 1259; Corsult, 1522; Corsoult, 1522; Corseul, 1630; Courseu, 1636

Istor

Henamzer

• Fanum Martis (« templ Meurzh ») e oa anv latin Kersaout gwechall. Kêr-benn ar Guriosolited e oa. Krouet e oa bet war-dro -10. War-dro an III^e kantved pe IV^e kantved, evel meur a gêr a oa penn-kêr ur bobl c'halian, e troas anv Fanum Martis en hini ar bobl c'halian orin.

XX^vet kantved

Brezel-bed kentañ

• 130 gwaz a gollas o buhez abalamour d'ar brezel hervez monumant ar re varv, da lavaret eo 4,57 % ag ar boblañs hervez an niveradeg bet graet e 1911; lazhet e voe pevar anezhe e Belgia d’an 22 a viz Eost 1914, e penn- kentañ ar brezel: unan e Rossignol, soudard er 1añ Rujumant Troadegiezh Trevadennel e oa , unan en Arsimont, soudard er 50vet Rujumant Kanolierezh e oa, unan e Falisolle, soudard er 47vet Rujumant Troadegiezh e oa hag unan e Farciennes, korporal er 25vet Rujumant Troadegiezh e oa .

Eil Brezel-bed

• D'ar 6 a viz Eost 1944 e kouezhas un nijerez Ju 188 D-2 kodet F6+GL eus an aerlu alaman (Luftwaffe) e Kersaout gant pemp nijour en he bourzh; un nijour a varvas, douaret e voe e Huisnes-sur-Mer, departamant Manche (Bro-C'hall), tri nijour all a voe gloazet, kaset e voent d'ur c'hamp prizonidi-vrezel, ne voe ket adkavet an hini diwezhañ.
• Mervel a reas seitek den eus ar gumun abalamour d'ar brezel.

Brezelioù didrevadennañ

Brezel Aljeria

• Daou soudard a varvas.

Monumantoù ha traoù heverk

• Dismantroù Kastell Montafilan XII^vet kantved.
• Dismantroù roman:

Templ Meurzh, en Haut-Bécherel,

park furchadegoù Monterfil,

park Champ-Mulon.

• Monumant ar re varv e-tal ar maerdi, luc’hskeudenn ha kartenn-bost.
• Plakennoù ar re varv (1914-1918 ha 1939-1945) en iliz katolik, luc’hskeudenn.

Demografiezh

Demografiezh

1962	1968	1975	1982	1990	1999	2006	2013
1830	1925	1955	2022	1987	1977	1900	2109
Abaoe 1962 : Poblañs hep kontoù doubl

Niver a annezidi

Tud

Ardamezeg ar familhoù

	de Bégasson Aotrounez la Forestrie	En argant he gefeleg en gul
	Le Bégassoux Aotrounez Boisrolland	En glazur e zri fenn c'hefeleg en aour
	Loisel, Loaisel, Louaisel, Aotrounez Bois-Jouan, Villedeneuf	En argant e deir moualc'henn en sabel

Brezhoneg

• E-kerzh ar bloavezhioù 1930 e votas kuzul-kêr Kersaout ur gouestl evit kelenn ar brezhoneg er skolioù, diwar atiz al luskad Ar Brezoneg er Skol (ABES).

Levrlennadur

• (fr) Loïc Langouet, « La voie romaine Corseul-Avranches et son insertion dans le paysage », e-barzh Les dossiers du Centre Régional Archéologique d'Alet, vol. 22, 1994, p. 47-70

Liammoù diavaez

• (br)Kersaout war Geobreizh
• (fr)Istor Kersaout
• (fr)Kersaout en Institut géographique national