III^e kantved

201	202	203	204	205	206	207	208	209	210
211	212	213	214	215	216	217	218	219	220
221	222	223	224	225	226	227	228	229	230
231	232	233	234	235	236	237	238	239	240
241	242	243	244	245	246	247	248	249	250
251	252	253	254	255	256	257	258	259	260
261	262	263	264	265	266	267	268	269	270
271	272	273	274	275	276	277	278	279	280
281	282	283	284	285	286	287	288	289	290
291	292	293	294	295	296	297	298	299	300
Gwelet ivez : Roll ar C'hantvedoù, Sifroù roman

D'ar 1añ Genver 201 e krog an IIIde kantved hag echuiñ a ra d'an 31 Kerzu 300.

Darvoudoù

Sina
- E 220, fin zo d'an dierniezh Han.
- 265-420 : Tierniezh Jin of China
Japan 250-538 : Fin zo d'ar marevezh Yayoi ha deroù marevezh Kofun, a verk penn-kentañ ar marevezh Yamato.
Kambodja : En he bog emañ rouantelezh Funan dindan ren Fan Shih-man

Mestr eo tierniezh Pallava, bet skarzhet eus ar c'hornôg gant Gautamiputra er c'hantved kent, war bro Madras (III^e-IX^vet kantved]]). Krouiñ a a ra porzhioù niverus war aod Koromandel, kenwerzhañ a ra gant Sri Lanka ha Malaysia.
Kêrioù kentañ savet war gompezenn Dekkan.
Kumuniezhioù kristen e su India.
Sattasaî, barzhoniezh orbidus Hala, 700 strofenn skrivet e prâkrit.
Dont a ra Sarnath da vezañ ur greizenn arz voudaek.

Sembrouthes, roue Aksoum (Etiopia). E Decca-Mahare, lec'hiad ur santual bras, ez eus dediet ur maen koun e gresianeg e-tro an Eil pe an III^e kantved gant Sembrouthes, ur priñs gantañ un anv gresianekaet, anezhañ Roue Rouaned an Aksoumed (kentañ meneg eus an titl impalaer)
Diazezet pevar eskopti e proviñs Mauretania Tingitana

Mont a ra da get ar sevenadur Lapita e reter ar meurvor Habask, gant teknikoù ar prierezh.

230 - 232 : Kas a ra tierniezh ar Sasanided e Persia ur brezel war-raok evit adperc'hennañ an takadoù bet kollet e reter an impalaeriezh roman.
260 : Prizoniet eo an impalaer Valerian I^añ gant Shapur I^añ, Roue ar Rouaned e Persia .
Meur a greizenn gristen zo en Armenia. Degaset eo bet ar relijion kristen di gant an ebestel Berteleme ha Thadde (Sant Yud), diskibled Jezuz-Krist.
Sevel a ra an alkimiour Zosim ur gwir mysterion eus an alkimiezh o klask ar bevargant filozofel a dro an holl vetaloù e bev.

Dizoloet ez eus un enskrivadur yuzev war ur maen bez, bloaziet eus an III^e kantved e Abdera (Adra), e su Granada (Spagn).
Stroñset eo an Impalaeriezh roman gant enkadenn an III^e kantved. Merket eo ar mare a vez graet anarkiezh vilourel anezhañ gant aloubadegoù ar Varbared, ar brezelioù diabarzh, an emsavadegoù feuls, ha disrannoù proviñsoù (Gwelet ivez Tetrarkiezh)
Diskar zo gant ar boblañs en Impalaeriezh roman. Rediañ a ra ar Stad hag ar berc'henned da stagañ ar gouerien ouzh o douar (stumm an trevadenniñ). E penn-kentañ e oa an drevadennerien perc'henned vihan (possessores). Soulgarget gant an tailhoù e tistaolont o gwir perc'hennañ. A-wechoù ez eont da greñvaat strolladoù ar Varbared pe ar bagadoù a vez o kantren e Galia. Peurliesañ avat e chomont war o zamm douar hag e c'houlennont gwarez (patrocinium) ur perc'henn bras. Dilezel a reont o ferc'henniezh a chom en o c'herz betek o marv, hep gellout kuitaat o zachenn.
212 : Deroet eo ar geodedelezh d'an holl dud frank e Roma dre vonreizh Antoninus Constitutio Antoniniana.
212-216 : Kibelldioù Caracalla
258 : Lazhadeg kristenien war urzh an Impalaer Valerian.
Paotr Tollund, kelan bet miret en taouarc'h e Danmark. Sparlet eo bet an den. Da varn diouzh e vizied fin ne oa ket ul labourer anezhañ, un den uhel eta (dibenn III^e kantved).
Meneget an Eruli (Heruled), mailhed war ar runoù, e Danmark (Jylland) e Mor Egea, dre Rusia hag ar Mor Du.

III^e ha IV^e kantved : adkavet ez eus e-tro 50 lec'hiad greantel bennak evit produiñ houarn e biojoù Lysa Gora e Polonia, gant ferniel lakaet kichen-ha-kichen a renkennadoù start. Gwerzhet e veze an houarn produet en trowardroioù ha marteze er su en Impalaeriezh roman.
Testeniekaet ao ar Ghazhared er c'hornôg gant kronikennoù Jorjia (bro) pe Armenia.
Treuztiriadeg ar C'hoted eus glannoù ar Vistula war-du ar Mor Du. Kuitaat a reont Gothiscandza evit en em staliañ en Ukraina ma vo frammet ganto sevenadur Chernyakhov

Dizoloet ez eus bet e Hjortspring (Danmark) ul lestr brezel gant armoù tro-dro dezhañ : en holl 150 skoed koad, 138 beg goafioù hag 20 roched emwareziñ. Pep tra a oa e koad gant ur roeñv sturiañ en adreñv war stribourzh. Frammet e oa bet ar vag hep tach ebet gant ibiloù koad, hep gwern na kein, na ouel ebet.
Testeniekaet an enskrivadurioù runek kentañ (lizherenneg futhark). Amprestet e vije bet ar skritur-se gant Germaned eus kreiz an Danav digant lizherennegoù deveret eus ar skritur etruskek implijet gant pobloù zo er su d'an Alpoù. Evit ar pep brasañ ez eo epigrafek ar skritur runek. Kizellet e veze al lizherennoù er mein evit stummañ enskrivadurioù. Ne vo ket pell Germaned ar c'hevandir da zilezel an doare-skrivañ-mañ a gendalc'ho da vevañ e Skandinavia dre levezon Danmark koulskoude.
Unan eus merkoù an tremen eus an Henamzer d'ar Grennamzer eo implij ar barrikennoù hag ar brageier gant ar sevenadur roman .
E Siria ez eus stummet un doare lunedoù kentañ evit ur briñsez verrwel.