Valerianus (impalaer)

Ur pennad Valerianus zo ivez.

Publius Licinius Valerianus Augustus, pe Valerianus an Henañ, pe Valerianus Iañ (218 - 268), a voe impalaer Roma eus an 22 Here 253 betek war-dro 260. Heskinañ a reas ar gristenien ha prizoniet e voe pa oa o vrezeliñ en emgann Edessa.

Pezhioù aour, dremm Valerianus warne

Valerianus

den

Reizh pe jener	paotr
Bro ar geodedouriezh	Henroma
Praenomen	Publius
Nomen	Licinius
Cognomen	Valerianus
Moranv	Colobius
Deiziad ganedigezh	200
Deiziad ar marv	260s
Lec'h ar marv	Bishapur
Doare mervel	talvoud dianav
Pried	Egnatia Mariniana, Cornelia Gallonia
Bugel	Gallienus, Licinius Valerianus
Familh	Valerian dynasty
Gens	Licinia gens
Micher	politiker
Karg	impalaer roman, senedour roman
Relijion	ancient Roman religion
Prantad	Impalaeriezh roman uhel, Low Roman Empire

E ren

E vab Gallienus (Publius Licinius Egnatius Gallienus) a renas war un dro gantañ ha war-lerc'h marv e dad.

Prizoniet e voe gant Shapur Iañ, roue Persia, da-heul emgann Edessa e 259, hag evel-se e voe an impalaer nemetañ prizoniet er brezel, ha distabilded a voe en Impalaeriezh roman abalamour da se. Kaset e voe da Bersia. E brefed Macrianus a nac'has marc'hata gant ar Bersed, ha ne voe ket prenet na dieubet. Chom a reas e vab da impalaer, ha ne reas netra ivez. Macrianus a glaskas lakaat e vab Quietus da impalaer. Gallianus a oa e Roma n'halle ober netra a-enep ar Bersed.

Aloubadegoù en amzer Valerianus ha Gallienus.

E Persia e varvas Valerainus, hogen n'ouzer na pegoulz na penaos. Meur a dra zo bet kontet. Hervez Iraniz^{(Kaoz dispis)} e vije bet graet brav dezhañ ; hervez an istorour kristen Lactantius, a veve en amzer Constantinus Iañ, e oa fin e vuhez evel ur c'hastiz a-berzh Doue, rediet ma veze da vont war e grabanoù d'ar roue pers da gerzhout war e gein evit pignat war e varc'h^{(Daveoù a vank)}. Goude e varv e vije bet kignet e gorf, kivijet e groc'hen, livet en ruz, ha gwisket d'ur jak lakaet war ziskouez en un templ pers, evel skouer eus mezh Roma. ^{(Daveoù a vank)}

Pennadoù kar

• Anarkiezh Roma

An Impalaerien roman
Tierniezh ...
En e raok : Aemilianus (207 - 253)	Valerianus (253 - 260)	War e lerc'h : Gallienus 260-268
Heuliad Henroma