Loeiza an Duigoù
| Loeiza an Duigoù | |
|---|---|
 Loeiza an Duigoù, miz Du 2021. | |
| Obererezh | Rampo
13, straed ar Skav-gwrac'h |
| Ganedigezh | 24 a viz Meurzh 1993 Kemperle,  Bro-Gerne
|
| Yezh skrivañ | Brezhoneg |
kemmañ  |
|
Loeiza an Duigoù, bet ganet e Kemperle d'ar 24 a viz Meurzh 1993, zo ur skrivagnerez vrezhonek. Sekretourez bodad-lenn brezhonek Kemper eo abaoe 2022.
Buhez
kemmañDesavet e brezhoneg gant he zad, Klaod an Duigoù ha skoliataet gant Diwan e tapas un aotreegezh war ar brezhoneg e Skol-veur Roazhon. Aet eo da chom er Vro Vigoudenn[1][2]. Labouret he deus e skolioù Diwan[3].
Divizet he deus klask bevañ diwar he fluenn diwar kinnig atalieroù-skrivañ, sevel podkast gentañ e brezhoneg evit ar vugale, skrivañ ur romant e galleg[4].
C'hoant bezañ ar skrivagnerez vrezhonek a-vicher gentañ
kemmañAbaoe 2019 e talc'h da « vevañ war nebeut », a-drugarez d’he fluenn ha d’un nebeut kevratoù, hag e embann e ra ur vicher gwir « Ur vicher eo, labourat a ran ingal war ma skridoù. Hag an holl a c’hell deskiñ skrivañ, n’eo ket hepken un nebeud tud donezonet hag a c’hell hen ober! ». « Sot ‘vefen ma ne skrivfen ket. Pe drammet, sur. Diaes ‘vefe din kavout ur plas er bed-mañ ! Ne m’efe ket gouezet peseurt micher all ober. »
Skrivañ a ra evit ar grennarded hag e pouez evit ma vo priziet gwelloc'h an doare-lennegezh-se, « padal eo ret deskiñ skrivañ evit ar re yaouank ». Hag eo kadarn ivez : « Me soñj din e c’heller kontañ traoù nevez, memes gant istorioù a zo bet skrivet mil gwech dija. »
Ma skriv e galleg a-wezhioù e kav gwelloc'h sevel istorioù e brezhoneg : « Un dibab politikel eo ivez. Un doare da vevañ e brezhoneg hep goulenn asant ar C’hallaoued ».
Oberiantiz lennegel
kemmañSkrivañ a ra evit ar re yaouank evit tiez-embann Al Liamm ha Keit Vimp Bev. Kemeret he deus perzh e Priz ar Yaouankiz[1]. Tremenet he deus div sizhunvezh en un annez arzel e tour-tan Roc'h Gored e Plougerne, Bro-Leon asambles gant ar skeudennerez Anna Duval-Guennoc, ar chomadenn-skrivañ gentañ graet e brezhoneg war an doare-lennegezh-se, war an enezenn-se, diwar atiz Al Liamm[5]. E-kerzh ar chomadenn-se he doa skrivet Tan de’i, ur romant faltazi a gont istor krennarded o vevañ darvoudoù iskis en ul labouradeg alumetez en XIXvet kantved. Meneget eo bet evit Prizioù dazont ar brezhoneg 2023 e rummad brezhoneger-ez ar bloaz[6]. Aet eo ar maout ganti evit priz Langleiz 2024, e saloñs Karaez[7].
Oberennoù
kemmañ- Rampo, Al Liamm, 2020.
- 13, straed ar Skav-gwrac'h, Keit Vimp Bev, , 2020.
- Oremuz, Keit Vimp Bev, 2021.
- Ar merc'hed e oberenn Youenn Drezen. E-barzh A-stroll, E koun Youenn Drezen (1899-1972) dindan renerezh Bernez Rouz, Al Lanv, 2022.
- Tan de’i, skeudennaouet gant Anna Duval-Guennoc, Al Liamm, 2023, 166 p.
- Penaos on deuet da vezañ ur gwaz dindan un nozvezh, podkast, Heklev, Gouere 2023, 17'29.
- Kali Torrdent, Al Liamm, eil trimiziad, 2024, 110 p.
- Marc'heg Thelo, kontadenn, Embannadurioù Goater, Gwengolo 2024, 28 p.
Enorioù
kemmañ- Trede priz « Brezhonegerez ar bloaz » e Prizioù 2023.
- Priz Langleiz evit Kali Torrdent, saloñs al levrioù, Karaez, 2024.
Levrlennadur
kemmañ- À Plouguerneau, Loeiza et Anna : une création en breton sur l'Île Wrac'h.E-barzh Le Télégramme, 7 C'hwevrer 2022.
- Loeiza Alle, Loeiza an Duigou, pluenn frank ha faltazius. E-barzh Bretons, 25 Ebrel 2023.
Notennoù ha daveennoù
kemmañ- ↑ 1,0 ha1,1 Erell Beloni, « 13, straed ar Skav-gwrac'h, ur romant gant Loeiza an Duigou » e France Bleu Breizh Izel, 18 a viz Du 2020. Lennet d'ar 15 a viz C'hwevrer 2022
- ↑ (fr) Une rencontre en breton avec Loeiza an Duigou, à Penn da Benn, à Quimperlé, Le Télégramme, 10 a viz Here 2021. Lennet d'ar 15 a viz C'hwevrer 2022
- ↑ (fr) Loeiza Le Duigou à l'école Diwan, Ouest France, 4 a viz Du 2016. Lennet d'ar 15 a viz C'hwevrer 2022
- ↑ ttps://www.ouest-france.fr/culture/livres/poltred-loeiza-an-duigou-pluenn-frank-ha-faltazius-47c5df22-deaf-11ed-8876-51122d90141b Loeiza Alle, Loeiza an Duigou, pluenn frank ha faltazius. E-barzh Bretons, 25 Ebrel 2023.
- ↑ (fr) Baleadenn lennegel betek tour-tan Roc'h Gored gant Anna Duval & Loeiza An Duigou, Ti ar Vro Leon, 25 a viz Meurzh 2022. Lennet d'an 30 a viz Meurzh 2022 hag ivez À Plouguerneau, Loeiza et Anna : une création en breton sur l'Île Wrac'h. E-barzh Le Télégramme, 7 C'hwevrer 2022.
- ↑ Le Télégramme, 7 a viz C'hwevrer 2022
- ↑ (fr)ouest-france