Henvrezhoneg
| Henvrezhoneg | |
|---|---|
| Henyezh | |
| Perzhioù | |
| Komzet e : | Breizh |
| Rannved : | Europa ar c'hornog |
| Komzet gant : | |
| Familh-yezh : | Yezhoù indezeuropek
|
| Statud ofisiel | |
| Yezh ofisiel e : | |
| Akademiezh : | Ofis publik ar brezhoneg |
| Kodoù ar yezh | |
| ISO 639-1 | obt |
| ISO 639-2 | obt |
| ISO 639-3 | obt |
| Kod SIL | |
| Sellit ivez ouzh ar pennad Yezh. | |
An henvrezhoneg eo anv ar yezh a veze komzet e Breizh etre ar IVe kantved[1], pe etre eil hanterenn ar Vvet kantved[2], ha deroù an XIIvet kantved. Ar yezh a droas d'ar c'hrennvrezhoneg goude ar bloaz 1000, hag ar brezhoneg arnevez adalek ar Patrom:XVIIvet kanved.
Dornskrid Leiden eo ar skrid henvrezhonek koshañ anavezet.[3]
Gant Léon Fleuriot eo bet dastumet ar skridoù henvrezhonek anavezet, en e c'heriadur anvet Dictionnaire des gloses en vieux breton[4].
EnskrivadurioùAozañ
Enskrivadur LomaregAozañ
Ar c'hoshañ enskrivadur henvrezhonek zo en ul laouer en ur chapel e-kichen Lomareg e Krac'h, nepell diouzh an Alre : « irha ema in ri », hag a ve "amañ emañ ar roue" e brezhoneg a-vremañ (e-lec'h ar ger kozh ri − rix e galianeg − e vez lavaret roue hiriv), da lavarout eo "amañ eo beziet ar roue".
An enskrivadur zo bet deiziet eus kantved Gwereg ha soñjal a reer e oa beziet ar roue eno. Elfennoù an dezenn-mañ zo :
- gerdarzh ar ger "Alre", a c'hallfe dalvezout "lez roueel" (eus al latin aula regia), pe dalvezout ivez erle pe arle, anv un den ;
- deiziad diazez an Alre, rak ur voudenn c'hladdalc'hel a oa bet savet er Vvet kantved.
Enskrivadur GouveneAozañ
Enskrivadur Gouvene (Engravadur an Aulnays) a weler war ur monumant e greunvaen, ha skrivet eo « ced parth so ». Un droidigezh ger-ha-ger a rofe "ken perzh zo", da lavaret eo "kenberc'henniezh zo" ; "kenberc'henniezh" zo cyd-parth e kembraeg.
LevrennadurezhAozañ
- Arzel Even, Istor ar yezhoù keltiek, Hor Yezh, 1956, levrenn I, p. 105 sqq.
- Léon Fleuriot, Le vieux breton, Éléments d'une grammaire, Paris, Klincksieck, 1964.
- Léon Fleuriot, A Dictionary of old breton - Dictionnaire du vieux breton. Toronto, Prepcorp Limited, 1985. Adembannadur al levr embannet e 1964.
NotennoùAozañ
- ↑ (fr) Léon Fleuriot : Langue et société dans la Bretagne ancienne, in Histoire culturelle et culturelle de la Bretagne, Champion-Slatkine, Paris-Genève, 1987, p. 9 (ISBN 978-2-85203-845-5)
- ↑ Geriadur brezhoneg An Here, p. 615.
- ↑ (en) Levraoueg Skol-veur Leiden
- ↑ (fr) Léon Fleuriot : Dictionnaire des gloses en vieux breton, Paris, Klincksieck, 1964.