Dornskrid Leiden

Dornskrid Leiden a reer eus peder follennad skrid a zo miret e levraoueg Skol-veur Leiden (Izelvroioù) dindan an daveenn VLF 96A (Vossianus latinus 96 A)^[1]^,^[2].
Un darn eus un dornlevr mezegiezh anvet Praecepta medica eo, bet skrivet e latin e dibenn an VIIIvet pe e deroù an IXvet kantved. Er pezh a zo erru betek ennomp e kaver daou c'her heniwerzhonek hag un tregont ger henvrezhonek bennak.

Emeur o klask gouzout hag eus Abati Sant-Gwenole Landevenneg e teu ; ar pezh a ouzer eo ez eo Dornskrid Leiden ar skrid henvrezhonek koshañ anavezet betek-henn.

Ar pezh a zo dibar en dornskrid-se eo ne zeu ket ar gerioù henvrezhonek evel spisadennoù skrivet e marzoù ar skrid latin, hogen en e gorf end-eeun. Ur bajenn hepken eus an dornskrid a ziskouez gerioù henvrezhonek, e stumm troidigezhioù eus anvioù plant ha rekipeoù diwar al latin.
N'eo ket ur skrid henvrezhonek a orin, un adskrivadur eus skridoù latin koshoc'h eo kentoc'h, a veze eilskrivet a-hed an amzer er manatioù.

E-barzh an henskrid-se e kaver ar gerioù-mañ:

aball (aval),
barr,
caes (klask),
colænn (kelenn),
dar (derv),
guern (gwern),
hisæl-barr (izelvarr),
penn,
scau (skav),
spern..^[3].

Notennoù

↑ Levraoueg Skol-veur Leiden (en)
↑ Lec'hienn unidivers.fr (fr)
↑ Gwelit A Celtic Leechbook gant Whitley STOKES

Levrlennadur

LAMBERT Pierre-Yves, Le fragment médical latin et vieux-breton du manuscrit de Leyde, Vossanius lat. f° 96A, er Bulletin de la Société Archéologique du Finistère, levrenn 65, 1986, pp. 315–327 (fr)
STOKES Whitley, A Celtic Leechbook, en Zeitschrift für celtische Philologie, 1897, p. 14-25 (en)

Liammoù diavaez

Praecepta medica, an dornskrid e Skol-veur Leiden.
(fr) Société Archéologique du Finistère
(fr) [1]
(fr) Pennad e-barzh Le Trésor du breton écrit

[1] Levraoueg Skol-veur Leiden (en)

[2] Lec'hienn unidivers.fr (fr)

[3] Gwelit A Celtic Leechbook gant Whitley STOKES

[1]

[2]

[3]