ISO 639-1
Rann gentañ ISO 639 eo ISO 639-1 ha talvezout da god yezh unvan, ennañ 136 kod divlizherennek implijet evit anavezout yezhoù brasañ (pe muiañ-implijet) ar bed, da skouer:
- saozneg: en (diwar ar stumm saoznek "English")
- alamaneg: de (diwar ar stumm alamanek "Deutsch")
- japaneg: ja (diwar ar stumm saoznek "Japanese"; e japaneg: nihongo)
Lakaet e oa bet da ofisiel listenn ar c'hodoù ISO 639-1 e 2002 daoust ha ma oa bet implijet evel brouilhed e-pad un nebeud bloavezhioù dija.
Ouzhpennet e oa bet ar c'hod diwezhañ, ht evit kreoleg Haiti, d'ar 26 a viz C'hwevrer 2003.
Dindan beli Infoterm (Kreizenn Dermenadurezh Etrebroadel) emañ kodoù ISO 639-1.
Ne vez ket ouzhpennet kodoù nevez da ISO 639-1 seul wezh ma vez oute dija e ISO 639-2. Met ma vez implijet ur c'hod e ISO 639-2 evit ober dave da veur a yezh e c'hello bezañ krouet meur a god war-lerc'h e ISO 639-1 evit anavezout ar yezhoù-se unan-hag-unan ha didalvez e teufe da vezañ neuze ar c'hod kozh ISO 639-2.
Kodoù ouzhpennet goude embannadur miz Genver 2001:
| ISO 639-1 | ISO 639-2 | Anv | Deiziad kemm | Doare kemm | Kod hollek kent |
|---|---|---|---|---|---|
| io | ido | Idoeg | 2002-01-15 | Ouzhpennet | art |
| wa | wln | walloneg | 2002-01-29 | Ouzhpennet | roa |
| li | lim | limbourgeg | 2002-08-02 | Ouzhpennet | gem |
| ii | iii | yieg | 2002-10-14 | Ouzhpennet | |
| an | arg | aragoneg | 2002-12-23 | Ouzhpennet | roa |
| ht | hat | kreoleg Haiti | 2003-02-26 | Ouzhpennet | cpf |
N'eus kod ispisial ebet evit ar "makroyezhoù (s.o. ISO 639-3).
Gwelit ivez
kemmañ
|
Porched ar yezhoù hag ar skriturioù Adkavit pennadoù Wikipedia a denn d'ar yezhoù. |