Ar Baol-Skoubleg

Ar Baol-Skoubleg, pe Ar Baol-Skoulag, a zo ur gumun eus Liger-Atlantel, e gevred Breizh. Ur gêr gouronkañ war Aod ar Garantez eo. Brudet eo he bae hag an hir a draezhenn a-hed dezhi eus Pornizhan d'ar Poulgwenn. Ur gêr douristel-tre eo.

Ar Baol-Skoubleg
An aod.
Anv gallaouek	La Baull-Escóblac
Anv gallek (ofisiel)	La Baule-Escoublac
Bro istorel	Bro-Naoned
Melestradurezh
Departamant	Liger-Atlantel
Arondisamant	Sant-Nazer
Kanton	Ar Baol-Skoubleg (pennlec'h)
Kod kumun	44055
Kod post	44500
Maer Amzer gefridi	Franck Louvrier 2020-2026
Etrekumuniezh	Tolpad-kêrioù Kab Atlantel
Bro velestradurel	hini ebet
Lec'hienn Web	www.mairie-labaule.fr
Poblañsouriezh
Poblañs	16 160 ann. (2020)
Stankter	728 ann./km²
Douaroniezh
Daveennoù lec'hiañ	47° 17′ 12″ Norzh 2° 23′ 27″ Kornôg
Uhelderioù	kreiz-kêr : 6 m bihanañ 1 m — brasañ 55 m
Gorread	22,19 km²
Ar Baol-Skoubleg

Douaroniezh

• Ar Baol-Skoubleg zo da 19 km eus kornôg Sant-Nazer, 66 km eus Gwened, 77 km eus Naoned ha 121 km eus Roazhon.
• Ar c’humunioù tro-dro d’ar Baol-Skoubleg zo ar Poulgwenn, Pornizhan, Sant-Nazer, Gwenrann ha Sant-Andrev-an-Doureier.
• An draezhenn zo ouzhpenn 8 kilometr a-hed. Dre ma oa un draezhenn gromm brav-tre e voe dibabet gant an Aotrounez Darlu hag Hennecard e dibenn an XIXvet kantved evit sevel ur gêr gouronkañ nevez.
• Brudet-tre an draezhenn Benoît evit he zraezh munut. Ul lodenn eus ar gumun zo lec’hiet war un tevenn.

Anv

Stummoù skrivet

• Erwan Vallerie (1995) : Scublaco, v. 1040; Ecclesia Episcopi Lacus quam lingua brittanica Escoblac appellant, 1073; Escoublac, 1287; Escoublat, 1433; Escoublac, 1630"

Gerdarzh

• Marteville ha Varin : Escop-lac = Lenn an Eskob.
• Evit Ao. de Blois, meneget gant Marteville & Varin, lac a dalv kement ha traezh, ha memes lonktraezh.
• Embannadurioù Flohic : "eus bôle, dichaladurioù kaset gant ar mor, ha latin escubia, post gward, hag aqua, dour".

Ardamezioù

"en glazur, e dostal kommant en aour leinet gant ur moug-heol ivez en aour; e gab en erminoù"

Istor

Dispac'h Gall

• Krouet e voe kumun Ar Baol-Skoubleg e 1790 diwar ar barrez katolik. Lakaet e voe e Kanton Sant-Nazer hag e Bann Gwenrann. E 1800 e voe lakaet en Arondisamant Savenneg. E 1801 e voe lakaet e Kanton Gwenrann.

XIX^vet kantved

Pornizhan

• Krouet e voe kumun Pornizhan e 1900 diwar ul lodenn eus kumun Sant-Nazer hag ul lodenn eus kumun Ar Baol-Skoubleg.

XX^vet kantved

Brezel-bed kentañ

• Mervel a reas 148 gwaz ag ar gumun abalamour d'ar brezel, d.l.e. 5,42% eus he foblañs e 1911.

Eil brezel-bed

• Implijet e voe nijva Skoubleg gant al Luftwaffe (aerlu alaman) pa voe bet trec'het Bro-C'hall.
• D'an 13 a viz Mae 1941 e kouezhas ur c'harr-nij (Bristol Blenheim IV marilhet V6430 ha kodet UX-?) eus aerlu ar Rouantelezh-Unanet (Royal Air Force) er mor nepell eus ar Baol-Skoubleg; mervel a reas e dri nijour, daou anezhe a voe douaret e bered ar gumun, ne voe ket kavet korf an trede hini; d'ar 25 a viz Meurzh 1942 e kouezhas un nijerez (Wellington II marilhet W5578 ha kodet PH-?) eus aerlu ar Rouantelezh-Unanet (Royal Air Force) e Skoubleg; mervel a reas pevar nijour, douaret e voent e bered "Pont du Cens" en Naoned; an daou nijour all a voe serret gant an Alamaned; d'ar 16 a viz Ebrel 1942 e kouezhas ur c'harr-nij (Wellington III marilhet X3417 ha kodet GT-?) eus aerlu ar Rouantelezh-Unanet (Royal Air Force) er mor nepell eus Skoubleg; mervel a reas e seizh nijour; d'an 3 a viz Genver 1943 e kouezhas ur c'harr-nij B-17 eus aerlu SUA (United States Army Air Forces) e koad Skoubleg; seizh nijour a voe lazhet, tapet e voe an tri all eus e baread gant an Alamaned. D'ar 29 a viz Even 1943 e kouezhas un nijerez Messerschmitt Bf 109 eus an aerlu alaman (Luftwaffe) etre ar Baol ha Sant-Nazer; mervel a reas he nijour, douaret e voe e Pornizhan.

Monumantoù ha traoù heverk

Daou vonumant ar re varv, er Baol hag e Skoubleg.

Bered ar C'hommonwealth:Commonwealth War Cemetery Escoublac-la-Baule

Bro	Niver a soudarded
Polonia	3
Rouantelezh-Unanet	325
Hollad	358

Ur vered ag an Eil Brezel Bed eo.

Lec’hiadur kumun ar Baol-Skoubleg e departamant al Liger-Atlantel

Traezh ar Baol

Poblañs

Emdroadur ar boblañs abaoe 1793

Melestradurezh

Roll ar vaered
Maread	Anv	Strollad	Perzh
1790-1791	Mathurin Phelippes de Beauregard
1791-1795	Julien Texiouer
1800-1815	Pierre Chaffiraud
1815-1816	de Sécillon
1816-1826	Louis Le Pourceau de Tréméac
1826-1831	Olivier Berthaud
1832-1835	François Pierre Dauce
1835-1837	Jacques Olivier
1837-1848	François Pierre Dauce
1848-1852	Pierre Berthaud
1852-1870	Etienne Breny
1870-1871	Jean Marie Le Gall
1871-1876	Etienne Breny
1876-1884	François Athanase Durand
1884-1891	Jean François Sohier
1891-1900	François Athanase Durand
1900-1917	Edouard Trabaud
1917-1925	André Pavie
1925-1935	Roger Maury de Lapeyrouse Vaucresson
1935-1939	Louis Lajarrige
1939-1945	Marcel Rigaud
1945-1971	René Dubois
1971-1995	Olivier Guichard	RPR	Maodiern
1995	Yves Métaireau	UMP
2020	Franck Louvrier	LR

Ger-stur

Labor, Sol et Mare Fulgeant in unum

Darvoudoù-sport a bep seurt

• Jumping etrebroadel Frañs, unan eus kevezadegoù brasañ lammoù dreist-skoilhoù er bed,
• Triatlon Ar Baol a vez bep miz Gwengolo,
• Tro Bro-C'hall e marc'hhouarnerezh :
  • 27 a viz Mezheven 1965 : 6vet tennad-hent Tro Bro-C'hall etre Kemper hag Ar Baol-Skoubleg ; trec'h eo Guido Reybrouck (Belgia).
  • 28 a viz Mezheven 1965 : loc'hañ a ra 7vet tennad-hent Tro Bro-C'hall eus Ar Baol-Skoubleg war-du Ar Roc'hell (Charente-Maritime).
  • 3 a viz Gouere 1972 : 2^l tennad-hent Tro Bro-C'hall etre Sant-Brieg hag Ar Baol-Skoubleg ; trec'h eo Rik van Linden (Belgia).
  • 3 a viz Gouere 1988 : dalc'het eo rakredadeg Tro Bro-C'hall etre Pornizhan hag Ar Baol-Skoubleg (a-benn d'an eur dre skipailh) ; trec'h eo Weinmann-La Suisse (Suis).
  • e 2018 etre Ar Baol ha Sarzhav

Kêrioù gevellet

• Hombourg (Alamagn)
• Inverness (Skos)

Filmoù lec'hiet er gumun

• 1961 : Lola gant Jacques Demy
• 1990 : La Baule-les-Pins gant Diane Kurys
• 2001 : 15 août gant Patrick Alessandrin
• 2010 : La Conquête gant Xavier Durringer

Tud

• Lluís Companys, broadelour katalan, prezidant e vro, serret gant ar Gestapo er Baol e miz Eost 1940
• Olivier Guichard, politikour gall
• Robert Le Grand, emsaver

Tud bet ganet eno

• Michel Ciry
• Philippe Durand, filmaozer
• Marc Pajot, bageer-dre-lien
• Yves Pajot, bageer-dre-lien

Tud bet marvet eno

• Fañch Elies (Abeozen e anv-pluenn), skrivagner brezhonek, d'an 3 a viz Even 1963.

Pennadoù kar ha liammoù diabarzh

• Pornizhan
• Ar Poulgwenn
• Roll kumunioù al Liger-Atlantel

Liammoù diavaez

• (fr) Ti an Douristed
• (fr) Ti-kêr
• (fr) Fotoioù eus ar Baol

Levrlennadur

• Embannadutrioù Flohic ː Le patrimoine des communes de la Loire-Atlantique. 1999
• Marteville & Varin, warlec'hienn J.-B. Ogée. 1843
• Erwan Vallerie ː Diazezoù studi istorel an anvioù-parrez. Corpus. An Here. 1995