Treuzdougen Herrek Rannvroel

(Adkaset eus THR)


An Treuzdougen Herrek Rannvroel pe THR (e galleg Transport Express Régional pe TER) zo ur merk kenwerzhel eus ar c'hevredad "SNCF Voyageurs" implijet evit an treuzdougen etre kêrioù e trenoù ha kirri-boutin e Frañs dre genemglevioù etre an SNCF hag ar rannvroioù melestradurel. Komz a reer eus an Trenioù Herrek Rannvroel (THR) evit trenioù ar rouedad-se (Train Express Régional pe TER e galleg).

Treuzdougen Herrek Rannvroel
train and rail category, train service
Iskevrennad eusrouedad treuzdougen foran, train and rail category Kemmañ
Rann eusrail transport in France Kemmañ
Deiziad krouiñ31 Meu 1984 Kemmañ
StadFrañs Kemmañ
SRGB color hex triplet004494 Kemmañ
OberataerSociété nationale des chemins de fer français Kemmañ
Deiziad digoradur ofisiel1986 Kemmañ
Lec'hienn ofisielhttps://www.sncf.com/fr/offres-voyageurs/voyager-en-train/ter, https://www.sncf.com/en/passenger-offer/travel-by-train/ter Kemmañ
State of usein use Kemmañ
Ur Z23500 e liv da Rannvro Aovern-Ron-Alpoù.

Krouet e voe e 1986 ha kenveret eo gant ar Rannvroioù hag an SNCF abaoe 2002, nemet en Enez-Frañs (ha kêrioù zo e Centre-Val de Loire, Normandi ha Hauts-de-France) lec'h ma reer gant ar merk "Transilien", hag e Korsika lec'h m'eo bet divizet gant Strollegezh Korsika reiñ ar merañ d'ur c'hevredad ekonomiezh kemmesk (KEK) anvet "camini di ferru di a Corsica" pe "chemins de fer de la Corse" (CFC). E Lyon emañ sez ar c'hevredad "SNCF voyageurs" karget da gorvoiñ ar merk hag ar rouedad. Goude adreizh tiriadel 2015 e oa bet kenstrollet rouedadoù THR zo e 2016 ha 2017. En amzer dazont e vo digoret ar rouedad da gevratoù kevezer gall pe europat.

Al logo abaoe 2002.

Kresket en doa an niver a veajourien etre 2002 ha 2012, digresket en doa etre 2012 ha 2016 ; kreskiñ a ra adarre abaoe 2017[1]. Ar feur leuniañ a oa 25% e 2016[2].

Hervez an SNCF e 2016 e laboure 28 000 implijiad evit ar c'hinnig THR en 11 "Rannvro THR", evit ur c'hrengreadur a 4 miliard a euroioù.

Hervez an danevell graet gant Lez ar c'hontoù e 2019 diwar-benn an THR e sav ar c'houstoù hollek da 8,5 miliard a euroioù, 88% anezho skoaziadennet gant ar Stad (2 viliard) hag ar Rannvroioù (3,9 miliard).

An THR e Breizh kemmañ

Gwelet ar pennadoù THR Breizh ha THR Broioù al Liger.

E Breizh ez eus daou THR, anvet "Breizhgo" e Rannvro Breizh hag "Aléop" e Broioù al Liger. Strollañ a reont beajoù gant trenioù, kirri-boutin, ha listri evit darbariñ an inizi.

Linennoù zo a zo e div Rannvro, kenemglevioù zo etre ar rannvroioù neuze. Da skouer, meret eo al linenn Caen-Roazhon gant "TER Normandie" hepken, met kenveret eo Orleañs-Naoned/Ar Groazig gant "TER Centre-Val de Loire" ha "TER Pays de la Loire" (ar servij "Interloire" a vez graet anezhi), ha kenveret eo al linenn Brest/Kemper - Naoned gant "TER Bretagne" ha "TER Pays de la Loire".

Linennoù zo a zo anvet "Trenioù Touristel THR" gant an SNCF, da skouer al « ligne Baie » e Bae Menez-Mikael.

Liamm diavaez kemmañ

Daveoù ha notennoù kemmañ

  1. "Transports : les TER regagnent enfin des passagers" pennad-skrid gant Vincent Vérier, e Le Parisien, 17-11-2017, gwelet d'ar 06-08-2020.
  2. Premier bilan du transport ferroviaire de voyageurs en France, Pdf gant Arafer, 16 a viz Du 2017, pajenn 2 : "Globalement, le taux de remplissage moyen [des trains] est de 43 %, avec de fortes disparités entre les services : 25 % en moyenne dans les TER jusqu’à 67 % dans les TGV sur des trajets domestiques.", gwelet d'ar 5 a viz Ebrel 2018.


  Porched hentoù-houarn Breizh
Gwelit ar pennadoù hag ar rummadoù diwar-benn an hentoù-houarn Breizh.
  Porched an treuzdougerezh – Gwelit ar pennadoù hag ar rummadoù diwar-benn an treuzdougerezh.