Lugdunensis
(Adkaset eus Gallia Lugdunensis)
Gallia lugdunensis pe Lugdunensis a oa unan eus ar proviñsoù krouet gant Augustus e Galia e 27 kent JK. E stumm zo souezhus a-walc'h : bodañ a ra an Arvorig ha tolead Lyon. Abegoù disheñvel zo:
- Abegoù etnek: klotañ a ra tamm-pe-damm gant unan eus an teir Galia meneget gant Julius Caesar e De bello gallico[1] : Galia vlevek (Gallia comata e latin).
- Abegoù politikel: bihanaat a ra pouez ha levezon kreiz Galia, en ur stagañ keodedoù galian ouzh ar proviñsoù roman tostañ. Da skouer ez eus bet staget ul lodenn eus Gallia Celtica ouzh Aquitania.
Gallia lugdunensis a oa ur broviñs impalaerel renet gant ur prefed staliet e Lugdunum (Lyon). Kavout a reer ivez ur stal voneiz e Lugdunum ha santual kevredadel an teir Galia, dediet da azeulerezh Roma ha da azeuladur an impalaer.
Kêrioù kemmañ
Ar c'hêrioù pennañ a oa :
- Juliomagus (Angers),
- Rotomagus (Rouen).
Proviñsoù kemmañ
Da vare an detrarkiezh e voe rannet Gallia lugdunensis e peder froviñs:
- Lugdunensis I (traoñiennoù ar Saône hag an Allier),
- Lugdunensis II (Normandi a-vremañ),
- Lugdunensis III (Arvorig hag Anjev)
- ha Lugdunensis IV (Ile-de-France).
Staget e voent holl ouzh prefedi pretordi ar Galiaoù.
Drastet e voe Galia gant an aloubadegoù barbar. Chom a reas tachennoù feal d'an impalaeriezh roman e Lugdunensis II ha IV betek 486 dindan renerezh Aegidius ha Syagrius.
Notennoù kemmañ
- ↑ Gallia est omnis divisa in partes tres...
Achaea · Aegyptus · Africa · Alpes Cottiae · Alpes Maritimae · Alpes Poenninae · Arabia Petraea · Armenia Inferior · Asia · Assyria · Bithynia · Britannia · Cappadocia · Cilicia · Commagene · Corsica et Sardinia · Creta · Cyrenaica · Cyprus · Dacia · Dalmatia · Epirus · Galatia · Gallia Aquitania · Gallia Belgica · Gallia Lugdunensis · Gallia Narbonensis · Germania Inferior · Germania Superior · Hispania Baetica · Hispania Baleares · Hispania Lusitania · Hispania Tarraconensis · Italia · Iudaea · Lycaonia · Lycia · Macedonia · Mauretania Caesariensis · Mauretania Tingitana · Moesia · Noricum · Numidia · Osroene · Pannonia · Pamphylia · Pisidia · Pontus · Raetia · Sicilia · Sophene · Syria · Thracia