Raetia a oa ur broviñs eus an Impalaeriezh roman en em astenne en Alpoù, en hanternoz da Italia, er c'hreisteiz d'ar stêr Danav hag er c'huzh-heol da broviñs Noricum ha d'ar stêr Inn. Eno emañ bremañ reter Suis (eus andon ar Roen betek lenn Konstanz), kornôg Aostria (Tirol), Liechtenstein ha kreisteiz Bavaria.

  • ██ Raetia er bloaz 116
  • Aloubet e voe Raetia gant ar Romaned er bloavezh -15.

    Div broviñs kemmañ

    E dibenn an IIIe kantved, da vare an impalaer Diokletian, e voe rannet ar broviñs e div lodenn :

    • Raetia Prima, a oa he c'hêr-benn e Curia Raetorum (Chur),
    • ha Raetia Secunda anvet ivez Vindelicia. A-raok donedigezh an armeoù roman e oa ar Reted e reter Suis ha Tirol, hag ar Vindelikianed e Bavaria.

    Augusta Vindelicorum e oa kêr vrasañ Raetia. Bremañ emañ ar gêr-se en Alamagn hag Augsburg eo an anv alamanek a-vremañ.

    Pennadoù kar kemmañ