Nolwenn Korbell

Nolwenn Korbell

Nolwenn Korbell en Ty théâtre e Gouenac'h

Ganet	3 a viz C'hwevrer 1968 Kemper - Breizh
Micher(ioù)	Kaner-sonaozer, aktourez
Doare(où)	Sonerezh Breizh
Doare mouezh	soprano
Benveg(où)	Gitar
Bloavezhioù oberiant	Abaoe 1984
Label(ioù)	Coop Breizh
Lec'hienn ofisiel	http://www.myspace.com/nolwennkorbell

Endro	Soïg Sibéril
kemmañ

Nolwenn Korbell, ganet e Kemper d'an 3 a viz C'hwevrer 1968, a zo ur ganourez eus Breizh hag un aktourez stummet e Kembre hag en doe c’hoariet e-barzh kentañ film hir brezhonek.

Buhez

En he familh, ne veze komzet nenet brezhoneg ha kan ha sonerezh a voe e meur a zegouezh. Desket he deus bet ar galleg er skol. Heuliañ a rae he mamm ar ganourez vrezhonek, Andrea ar Gouilh, e troiadoù sonadegoù dre ar broioù keltiek. Klevout a reas neuze tud eus Bro-Gembre, Iwerzhon ha Bro-Skos o kanañ en o yezh. He zad, Herve Korbell a zo soner.
Kentelioù c'hoariva he doe heuliet e MJC Douarnenez. 1- vloaz e oa-hi pa c'hoarias e sketchoù e-pad " La Nuit des Raouls ", un adsevel fentus eus Nozvezhioù ar Cesar. Remerket e voe gant Youenn Gwernig, rener an abadennoù brezhoneg war France 3 Ouest.
Kroget he doe gant ar c’hoari (filmoù ha c’hoariva brezhonek) a-raok mont war-zu ar c’han ouzhpenn. Sevel a ra ivez he c'hanaouennoù liesseurt o awen.Un aktourez (sinema, c'hoariva ha skinwel), kinnigourez er skinwel, ha kanourez ivez er strollad kembraek Bob Delyn a'r Ebillion.