Krennamzer

Ur prantad eus istor Europa eo ar Grennamzer. Hervez boaz an istorourien e krog gant diwezh an Impalaeriezh roman e 476 (digarget e voe Romulus Augustulus, impalaer roman diwezhañ, gant ar Vandaled) hag ec'h echu e 1492 (kavadenn Amerika gant Kristol Goulm (Christoforo Colombo).

Krennamzer

age, marevezh istorel

Arvez	istor an denelezh
Lec'h	Europa
Raklec'hiet gant	Henamzer, late antiquity
Heuliet gant	Azginivelezh arzel, Amzerioù modern, Age of Discovery
Deiziad kregiñ	476
Deiziad echuiñ	1500s
Studiet gant	krennamzerouriezh, istor ar Grennamzer, arkeologiezh ar Grennamzer
Anaouder WordLift	http://data.thenextweb.com/tnw/entity/middle_ages
Tikedenn Stack Exchange	https://history.stackexchange.com/questions/tagged/middle-ages

Teir renkad ar Grennamzer : ar veleien, ar soudarded hag ar gouerien

Ar barzh italian Francesco Petrarca (1304-1374) eo an hini kentañ en deus meneget ur medium aevum. Evitañ hag evit an denelourien e oa ar prantad diaraok hini ar sevenadur gotek, da lavaret eo ur sevenadur na brizie ket kenedelezh an Henamzer. Ul lavarenn disprizañ e oa hag eo chomet e-pad pell.

Disken ar boblañs, enep-kêriekadur, riñsadenn ar galloud kreiz, an aloubadegoù hag envroañ meuriadoù, a oa kroget e fin an Henamzer, a oa kendalc'het er Grennamzer.

Prantadoù ar Grennamzer

Dre vras e ranner ar Grennamzer evel-henn:

• ar Grennamzer uhel (war-dro 500 betek 1000), eus faezhidigezh Roma Gozh, amzer an aloubadegoù bras betek re ar Vikinged.
• ar Grennamzer greiz (war-dro 1000 betek 1300), emañ ar broadoù war ziorren.
• ar Grennamzer izel (war-dro 1300 betek 1500).