Briatadenn

Ur briata, pe vriatadenn (eus ar verb briata, deuet eus an anv briad, deuet eus brec'hiad, diwar ar ger brec'h) a vez graet pa gemerer un dra bennak, pe un den, etre an divvrec'h.

Div vignonez stadunanat oc'h en em vriata.

Etre tudAozañ

Pa vez daou zen oc'h en em vriata e reont alies gant ur vrec'h en-dro da c'houzoug an den briataet hag unan dindan e gazel, hag e reont ur stardadenn hir pe hiroc'h hervez nerzh o santad. Pokat ha flourañ a c'hall bezañ graet war un dro ivez.

Neuze e tiskouezont mignoniezh, breudeuriezh, kenhoal pe karantez, hervez o sevenadur. A-wechoù e vez graet ivez evit saludiñ pe evit frealziñ.

An Norzhamerikaned zo boas d'en em vriata alies, ar pezh n'eo ket ken boas a se gant an dud e broioù all, pe ne vez ket graet morse ganto zoken, boazioù all ne lavarer ket evel en em stardañ o dorn, joentrañ an daouarn ha/pe stouiñ (en Azia), pe lavarout ur dra bennak.

SkeudennoùAozañ

Gwelet ivezAozañ

Muioc'h a restroù diwar-benn

a vo kavet e Wikimedia Commons.