Calgary
Calgary (distaget [ˈkælɡ(ə)ri] e saozneg) zo ur gêr vras e proviñs Alberta, e Kanada. Emañ e kreisteiz Alberta, en un tolead torgennoù ha pradennoù, war-hed ur 80 km bennak diouzh ar Menezioù Roc'hellek.
E 2011 e oa annezet Calgary gant 1 096 833 a dud[1] hag en tolpad-kêrioù e oa 1 214 839 a annezidi. Kêr vrasañ Alberta eo ha trede kêr vrasañ Kanada.
Diazezet eo armerzh Calgary hag ar c'hornad war greanterezh an tireoul, al labour-douar hag an touristerezh.
E 1988 e oa bet aozet ar C'hoarioù Olimpek goañv e tolead Calgary.
Gevelliñ
kemmañGevellet eo Calgary gant 6 kêr.
| Kêr | Proviñs/Stad/Bro | Stad/Bro | Bloaz |
|---|---|---|---|
| kêr Gebek | Kebek | Kanada | 1956 |
| Jaipur | Rajasthan | India | 1973 |
| Daqing | Heilongjiang | Republik Pobl Sina | 1985 |
| Naucalpan | Stad Mec'hiko | Mec'hiko | 1994 |
| Daejeon | Daejeon | Korea ar Su | 1996 |
| Phoenix[2] | Arizona | SUA | 1997 |
Notennoù
kemmañ- ↑ "Population and dwelling counts, for Canada, provinces and territories, and census subdivisions (municipalities), 2011 and 2006 censuses (Alberta)". Statistics Canada [1].
- ↑ Phoenix Sister Cities, Phoenix Sister Cities, 24 a viz Gouere 2013
