Caroline von Holnstein
Caroline von Holnstein a oa un dimezell alaman e rouantelezh Bavaria en XIXvet kantved.
Ar roue Ludwig Iañ Bavaria a roas urzh da Joseph Karl Stieler, livour al lez, d'he foltrediñ, ha war ziskouez emañ an oberenn e Poltredaoueg ar gened, e kastell Nymphenburg, ma'z eus dastumet 36 poltred eus itronezed a renk uhel eus kêr München, brudet-bras o c’hened.
He buhez
kemmañCaroline Maximiliana Maria Freiin von Spiering a oa pempet bugel Carl Theodor Freiherr von Spiering hag e bried Johanna Nepumukena (ganet Freiin von Enzberg). Pa varvas he zad en 1829 e stagas da glask ur gwaz a zoare. D'an 9 a viz Du 1831, pa oa 16 vloaz, e timezas da Carl Theodor, kont Holnstein, 34 bloaz. Un eured dre garantez ne oa ket.
Mont a reas Caroline da chom d'ar Palez Holnstein da gêr München. Abalamour da renk uhel he gwaz e c'hallas lakaat he zreid el lez. Evel-se e reas anaoudegezh gant ar roue Loeiz Iañ. En ur banvez el lez e reas anaoudegezh ivez gant Wilhelm Freiherrn von Künsberg ha dont a reas da vezañ e serc'h. Pa zeuas hennezh da vezañ intañv ez eas da vevañ gantañ d'e gastell da Fronberg. Hogen n'eo nemet pa varvas he gwaz Carl Theodor e c'hallas Caroline dimeziñ da Wilhelm, d'an 21 a viz Gwengolo 1857. Anavezet e voe ent-ofisiel ar vugale he doa bet gant Carl Theodor neuze, ha goude marv o mamm, e 1859, e teujont da vezañ hêred da ditl o zad, Künsberg Freiherr von Fronberg.
Mervel a reas Caroline e kastell Fronberg d'ar 24 a viz Gouere 1859 ha beziet e voe eno.
He bugale
kemmañ- Karl Theodor von Holnstein (8 Kerzu 1832 - 8 Kerzu 1832)
- Johanna von Holnstein (17 Gwengolo 1833 - 17 Gwengolo 1833)
- Maximilian Carl Theodor von Holnstein (19 Here 1835 - 1añ C'hwevrer 1895)
- Wilhelm Maximilian Künsberg Freiherr von Fronberg (27 Meurzh 1838 - 18 Mezheven 1909)
- Wilhelmine Maria Caroline Künsberg Freiin von Fronberg (23 Eost 1841 - 9 Mezheven 1889)
- Johann Friedrich Wilhelm Karl Künsberg Freiherr von Fronberg (2? Gwengolo 1842 - 24 Meurzh 1876)
- Rudolf Philipp Wilhelm Goswin Karl Künsberg Freiherr von Fronberg (27 Meurzh 1844 - ?)