Strollad Komunour SUA

Strollad Komunour SUA pe Strollad Komunour Stadoù-Unanet Amerika (saozneg: Communist Party USA, pe Communist Party of the United States of America; CPUSA, e anv ofisiel), zo ur strollad komunour stadunanat krouet e 1919 goude ma vefe bet rannet ar Strollad Sokialour stadunanat goude Reveulzi Rusia.

Ardamez ar Communist Party of the United States of America pe CPUSA

Arc'hantaouet kalz eo bet ar CPUSA gant an Unaniezh Soviedel ha difenn a rae ar memes selloù ha re Moskov. Ar CPUSA en doa implijet un aozadur kuzh evit sikour ar soviediz dre spiañ Stadoù-Unanet Amerika oc'h implij ur rouedad aozadurioù evit embann mennozhioù komunour dre ar gevredigezh. Ar CPUSA zo bet a-enep ar glasnost kement hag ar perestroika en URSS ha dre-se ne voe ket mui arc'hantaouet gant ar C'hevredad adalek 1989.

Maouezed ha minorelezhioù

Ar Strollad komunour a embann ez eo klasad labourerien Stadoù-Unanet Amerika :

"Multiracial and multinational. It unites men and women, young and old, gay and straight, native-born and immigrant, urban and rural. We are employed and unemployed, organized and unorganized, and of all occupations – the vast majority of our society. "

Afroamerikaned

Ar Strollad komunour stadunanat en deus harpet kalz an Afroamerikaned evit sikour anezho da zifenn o gwirioù dreist-holl er bloavezhioù 1930-1940. Tud evel Angela Davis hag a gaver e penn ar stourm evit gwirioù keodedel ar re zu zo bet desket dezho stourm gant ar CPUSA.

Relijion

Ar Strollad komunour stadunanat n'eo ket a-enep ar relijion, gwelet a ra ar relijion evel ur mennozh dedennus evit difenn ar justis, ar peoc'h ha bezañ karantezus gant an dud all. Evit kaout darempredoù mat gant ar gedourien ar strollad en deus ur skourr war ar relijion.

Daouadoù prezidantel

Danvez kannaded (prezidant ha besprezidant) Strollad komunour SUA evit an delinnadegoù prezidant

Bloavezh	Prezidant	Besprezidant(ez)	Votoù	Dregantad	Anv
1924	William Z. Foster	Benjamin Gitlow	38,669	0.13%	Workers Party of America
1928	William Z. Foster	Benjamin Gitlow	48,551	0.13%	Workers (Communist) Party of America
1932	William Z. Foster	James W. Ford	103,307	0.26%	Communist Party USA
1936	Earl Browder	James W. Ford	79,315	0.17%
1940	Earl Browder	James W. Ford	48,557	0.10%
1948	Kannad ebet; choazet Henry Wallace	Kannad ebet; choazet Glen H. Taylor	N/A
1952	Kannad ebet; choazet Vincent Hallinan	Kannad ebet; echoazet Charlotta Bass
1968	Charlene Mitchell	Michael Zagarell	1,077	0.00%
1972	Gus Hall	Jarvis Tyner	25,597	0.03%
1976	Gus Hall	Jarvis Tyner	58,709	0.07%
1980	Gus Hall	Angela Davis	44,933	0.05%
1984	Gus Hall	Angela Davis	36,386	0.04%

• Hervez lec'hienn internet ar strollad: "The Communist Party does not endorse candidates from other parties, but we are deeply involved in mobilizing people to participate in the elections".

Liammoù diavaez

• (en) Lec'hienn ofisiel