DP-27/DP-28
An DP-27 pe DP-28 hervez hec'h adstumm (rusianeg: Пулемёт Дегтярёвa Пехотный, romanekadur: Pulemyot Degtyaryova Pekhotny, brezhoneg: mindrailherez troadegiezh Degtiarev) pe Degtiarev a reer eus ur fuzuilh-vindrailher[1] kambret evit kartouchennoù 7,62 × 54 mm R hag a oa bet implijet da gentañ gant Unaniezh ar Republikoù Sokialour Soviedel.
| Fuzuilh-vindrailher DP | |
|---|---|
 Ur fuzuilh-vindrailher DP-28. | |
| Kinnig | |
| Bro |  URSS
|
| Mont en-dro | Fuzuilh-vindrailher aotomatek |
| Munisionoù | 7,62 × 54 mm R |
| Mare implij | Adalek 1927 |
| Pouez ha muzulioù | |
| Mas (hep kartouchenn) | 9,12 kg |
| Hirder | 1.290 mm |
| Hirder ar c'hanol | 605 mm |
| Perzhioù all | |
| Lusk-tennañ | 600 tenn/mn |
| Tizh mont e-maez ar boledoù | 840 m/s |
| Endalc'h | Karger ront 47 kartouchenn |
| Adstummoù | DP-27, DP-28 |
| Lezenn | |
| Rummad e Bro-C'hall | A |
Istor ha mont en-dro
kemmañE dibenn ar brezel sivil e Rusia e chome gant an Arme Ruz kozh mindrailherezioù PM M1910 nemetken. Goulennet e voe gant an ijinour Vasily Degtiarev sevel ur vindrailherez skañv pe ur fuzuilh-vindrailher aes da zougen war an dachenn-emgann.
Arnodet e voe an DP-27 a ginnigas e 1927 ha degemeret e voe er servij da vat e 1928. Ur fuzuilh-vindrailher yenaet dre aer eo. Brudet e oa evit bezañ fiziapl ha solut. Kemeret e voe he flas e fin ar bloavezhioù 1950[1] gant an RPD e arme URSS, met implijet e vez c'hoazh e armeoù 'zo eus broadoù bet soviedel.
